'ഹിന്ദു കുടുംബങ്ങളുടെ സ്വത്തിൽ മകൾക്കും തുല്യാവകാശം: 2005 ന് മുൻപ് പിതാവ് മരിച്ചവർക്കും വിധി ബാധകം': സുപ്രീംകോടതി

ന്യൂഡൽഹി: ഹിന്ദു കുടുംബങ്ങളുടെ സ്വത്തില്‍ മകനെപ്പോലെ മകള്‍ക്കും തുല്യ അവകാമുണ്ടെന്ന സുപ്രധാന വിധി പുറപ്പെടുവിച്ച് സുപ്രീം കോടതി.  2005 സെപ്റ്റംബര്‍ ഒമ്പതിന് നിലവില്‍ വന്ന ഹിന്ദുപിന്തുടര്‍ച്ചാവകാശ നിയമ ഭേദഗതി പ്രകാരം പെൺമക്കൾക്കും കുടുംബസ്വത്തിൽ അവകാശമുണ്ടെന്ന് ജസ്റ്റിസ് അരുൺ മിശ്രയുടെ നേതൃത്വത്തിലുള്ള മൂന്ന് ജഡ്ജി ബെഞ്ചാണ് വിധിച്ചത്.  നിയമ ഭേദഗതി നിലവിൽ വന്ന  സമയത്ത് പിതാവോ മകളോ ജീവിച്ചിരിപ്പുണ്ടോ ഇല്ലയോ എന്നത് പരിഗണിക്കാതെ പെൺമക്കൾക്ക് അവരുടെ സ്വത്തിൽ അവകാശമുണ്ടെന്നും കോടതി വ്യക്തമാക്കി.