'ഖത്തറിൽ നടക്കുന്നതുപോലെ ഒരു ഉത്സവം ഇന്ത്യയിലും നടക്കും'; ലോകകപ്പ് സ്വപ്നം പങ്കുവെച്ച് പ്രധാനമന്ത്രി നരേന്ദ്ര മോദി

ഷില്ലോങ്: ‘ഖത്തറിൽ നടക്കുന്നതുപോലെ ഒരു ഉത്സവം ഇന്ത്യയിലും നടക്കുമെന്ന് പ്രധാനമന്ത്രി നരേന്ദ്രമോദി. മേഘാലയയിലെ ഷില്ലോങിൽ നടത്തിയ പ്രസംഗത്തിലാണ് ലോകകപ്പ് സ്വപ്‌നം പ്രധാനമന്ത്രി പങ്കുവെച്ചത്. രാജ്യത്തെ യുവാക്കളിൽ തനിക്ക് പൂർണവിശ്വാസമുണ്ടെന്നും ത്രിവർണ പതാകയ്ക്കായി ഇന്ത്യൻ ജനത അന്ന് ആർത്തുവിളിക്കുമെന്നും അങ്ങനെയൊരു ദിനം വിദൂരമല്ലെന്നും മോദി പറഞ്ഞു. മേഘാലയയിലെ വിവിധ പദ്ധതികൾ ഉദ്ഘാടനം ചെയ്യുന്ന ചടങ്ങിലായിരുന്നു മോദിയുടെ സ്വപ്‌നം പങ്കുവച്ചത്.