ലോക്സഭാ തെരഞ്ഞെടുപ്പ്: സംസ്ഥാനത്ത് നാമനിർദേശ പത്രിക സമർപ്പിച്ചത് 290 പേർ; സൂക്ഷ്മ പരിശോധന വെള്ളിയാഴ്ച
- Published by:Rajesh V
- news18-malayalam
Last Updated:
ഏപ്രില് എട്ടിന് നാമനിർദേശപത്രിക പിന്വലിക്കുന്നതിനുള്ള സമയപരിധി അവസാനിക്കുന്നതോടെ സ്ഥാനാര്ത്ഥി പട്ടികയ്ക്ക് അന്തിമ രൂപമാകും
തിരുവനന്തപുരം: ലോക്സഭാ തെരഞ്ഞെടുപ്പിന് നാമനിര്ദേശ പത്രിക സമര്പ്പിക്കുന്നതിനുള്ള സമയപരിധി വ്യാഴാഴ്ച അവസാനിച്ചപ്പോള് സംസ്ഥാനത്ത് വിവിധ ലോക്സഭാ മണ്ഡലങ്ങളിലായി 290 സ്ഥാനാർത്ഥികള് നാമനിർദേശ പത്രിക സമര്പ്പിച്ചു. ആകെ 499 പത്രികകള് ഇതുവരെ ലഭിച്ചതായി മുഖ്യതെരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു.
നാമനിർദേശ പത്രികകളുടെ സൂക്ഷ്മ പരിശോധന നാളെ നടക്കും. ഏപ്രില് എട്ടിന് നാമനിർദേശപത്രിക പിന്വലിക്കുന്നതിനുള്ള സമയപരിധി അവസാനിക്കുന്നതോടെ സ്ഥാനാര്ത്ഥി പട്ടികയ്ക്ക് അന്തിമ രൂപമാകും.
ഇതുവരെ നാമനിര്ദേശ പത്രിക സമര്പ്പിച്ചിട്ടുള്ള സ്ഥാനാര്ത്ഥികളുടെ മണ്ഡലം തിരിച്ചുള്ള വിവരം-
തിരുവനന്തപുരം 22, ആറ്റിങ്ങല് 14, കൊല്ലം 15, പത്തനംതിട്ട 10, മാവേലിക്കര 14, ആലപ്പുഴ 14, കോട്ടയം 17, ഇടുക്കി 12, എറണാകുളം 14, ചാലക്കുടി 13, തൃശൂര് 15, ആലത്തൂര് 8, പാലക്കാട് 16, പൊന്നാനി 20, മലപ്പുറം 14, കോഴിക്കോട് 15, വയനാട് 12, വടകര 14, കണ്ണൂര് 18, കാസർഗോഡ് 13.
advertisement
ഏറ്റവുമധികം സ്ഥാനാർത്ഥികള് പത്രിക സമര്പ്പിച്ചത് തിരുവനന്തപുരം മണ്ഡലത്തിലാണ് (22). ഏറ്റവും കുറവ് ആലത്തൂരിലും(8).
മാര്ച്ച് 28 നാണ് സംസ്ഥാനത്ത് നാമനിര്ദ്ദേശ പത്രികാ സമര്പ്പണം തുടങ്ങിയത്. പത്രിക സമര്പ്പണത്തിന്റെ അവസാന ദിവസമായ ഇന്ന് 252 നാമനിർദേശ പത്രികകളാണ് ലഭിച്ചത്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
April 04, 2024 7:30 PM IST
മലയാളം വാർത്തകൾ/ വാർത്ത/Kerala/
ലോക്സഭാ തെരഞ്ഞെടുപ്പ്: സംസ്ഥാനത്ത് നാമനിർദേശ പത്രിക സമർപ്പിച്ചത് 290 പേർ; സൂക്ഷ്മ പരിശോധന വെള്ളിയാഴ്ച
