Women Commission | 'നടപടിയില് തൃപ്തിയില്ല'; വനിതാ കമ്മിഷന് നേരെ മുളകുപൊടി എറിഞ്ഞ് എഴുപതുകാരി
- Published by:Jayesh Krishnan
- news18-malayalam
Last Updated:
ഹാളിലെത്തിയ സ്ത്രീ കയ്യില് കരുതിയിരുന്ന പായ്ക്കറ്റ് പൊട്ടിച്ച് മുളകുപൊടി സ്റ്റേജിലേക്ക് വിതറുകയായിരുന്നു.
തൃശൂര്: വനിതാ കമ്മിഷന്(Women Commission) നേരെ മുളകുപൊടി(Chilli Powder) എറിഞ്ഞു എഴുപതുകാരി. തൃശൂര്(Thrissur) ടൗണ് ഹാളില് വനിതാ കമ്മിഷന് സിറ്റിങ്ങില് പരാതിയുമായി എത്തിയ എഴുപതുകാരിയാണ് മുളകുപൊടി എറിഞ്ഞത്. നല്കിയ പരാതിയില് കമ്മിഷന് സ്വീകരിച്ച നടപടി വയോധികയ്ക്ക് തൃപ്തി നല്കിയില്ലെന്ന് പറഞ്ഞായിരുന്നു അക്രമം.
ഭര്ത്താവ് മരിച്ചത് ചികിത്സാപ്പിഴവ് മൂലമാണെന്നാരോപിച്ച് ഇവര് വനിതാ കമ്മിഷനില് പരാതി നല്കിയിരുന്നു. വനിതാ കമ്മിഷന് ഇന്ന് നടക്കുന്ന സിറ്റിംഗില് ഇവരുടെ പരാതി പരിഗണിച്ചിരുന്നില്ല. എന്നാല് സിറ്റിങ്ങിനിടെ ഹാളിലെത്തിയ സ്ത്രീ കയ്യില് കരുതിയിരുന്ന പായ്ക്കറ്റ് പൊട്ടിച്ച് മുളകുപൊടി സ്റ്റേജിലേക്ക് വിതറുകയായിരുന്നു.
ഹാളില് ഫാനിട്ടിരുന്നാല് മുളക്പൊടി പറന്ന് എല്ലാവരുടേയും കണ്ണിലും ശരീരത്തിലുമായി. സംഭവസ്ഥലത്തെത്തിയ പൊലീസ് മുളക്പൊടി എറിഞ്ഞ സ്ത്രീയെ അനുനയിപ്പിച്ച് കൂട്ടിക്കൊണ്ടുപോവുകയായിരുന്നു. വയോധികയ്ക്ക് മാനസികാരോഗ്യ പ്രശ്നങ്ങളുണ്ടെന്നാണ് കരുതുന്നത്.
advertisement
നേരത്തെയും വനിതാ കമ്മിഷന് നേരെ പ്രതിഷേധവുമായി വയോധിക രംഗത്തെത്തിയിരുന്നു. പരാതിയില് കമ്മിഷന് നടപടി സ്വീകരിക്കുന്നില്ലെന്ന് ആരോപിച്ച് കഴിഞ്ഞ ദിവസം സ്വരാജ് ഗ്രൗണ്ടില് നാമജപ പ്രതിഷേധം നടത്തിയിരുന്നു
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Mar 19, 2022 2:24 PM IST
മലയാളം വാർത്തകൾ/ വാർത്ത/Kerala/
Women Commission | 'നടപടിയില് തൃപ്തിയില്ല'; വനിതാ കമ്മിഷന് നേരെ മുളകുപൊടി എറിഞ്ഞ് എഴുപതുകാരി
