• HOME
  • »
  • NEWS
  • »
  • kerala
  • »
  • സിഎഎക്കെതിരെ രാഷ്ട്രപതിക്ക് ഒരു കോടി കത്ത്; തുടക്കമിട്ട് സാദിഖലി ശിഹാബ് തങ്ങൾ

സിഎഎക്കെതിരെ രാഷ്ട്രപതിക്ക് ഒരു കോടി കത്ത്; തുടക്കമിട്ട് സാദിഖലി ശിഹാബ് തങ്ങൾ

പൗരത്വഭേദഗതി നിയമം പുനഃപരിശോധിക്കുവാനും റദ്ദ് ചെയ്യുവാനും രാഷ്ട്രപതി എന്ന നിലയിലുള്ള അധികാരം ഉപയോഗപ്പെടുത്തണമെന്നാവശ്യപ്പെട്ടുകൊണ്ടാണ് കത്ത്

ആദ്യ കത്ത് അയച്ചത് പാണക്കാട് സാദിഖലി ശിഹാബ് തങ്ങള്‍

ആദ്യ കത്ത് അയച്ചത് പാണക്കാട് സാദിഖലി ശിഹാബ് തങ്ങള്‍

  • Last Updated :
  • Share this:
മലപ്പുറം: പൗരത്വ ഭേദഗതിക്കെതിരെ രാഷ്ട്രപതിക്ക് ഒരു കോടി കത്തുകൾ അയക്കാൻ മലപ്പുറത്തെ യുഡിഎഫ്. മലപ്പുറം കുന്നുമ്മൽ ഹെഡ് പോസ്റ്റ് ഓഫീസിൽ നിന്നാണ് കത്ത് അയക്കൽ സമരത്തിന് തുടക്കം. ഇതിന്റെ ഭാഗമായി രാഷ്ട്രപതിക്ക് ആദ്യ കത്ത് അയച്ചത് മുസ്ലീം ലീഗ് ദേശീയകാര്യ നിര്‍വ്വാഹക സമിതി അംഗം പാണക്കാട് സാദിഖലി ശിഹാബ് തങ്ങള്‍.



പൗരത്വഭേദഗതി നിയമം പുനഃപരിശോധിക്കുവാനും റദ്ദ് ചെയ്യുവാനും രാഷ്ട്രപതി എന്ന നിലയിലുള്ള അധികാരം ഉപയോഗപ്പെടുത്തണമെന്നാവശ്യപ്പെട്ടുകൊണ്ട് ഒരു കോടി കത്തുകള്‍  സംസ്ഥാനത്തു നിന്നും അയക്കുമെന്ന്  സാദിഖലി ശിഹാബ് തങ്ങള്‍ പറഞ്ഞു. യു ഡി എഫ് പ്രവര്‍ത്തകര്‍ ഭവന സന്ദര്‍ശനം നടത്തിയാണ് കത്തുകള്‍  അയക്കുകയെന്നും തങ്ങള്‍ വ്യക്തമാക്കി.

ALSO READ: സ്ത്രീകൾക്ക് പള്ളികളിൽ പ്രവേശിക്കാം; മറിച്ചുള്ള ഫത്വകൾ അവഗണിക്കണമെന്ന് മുസ്ലിം വ്യക്തി നിയമ ബോർഡ്

പ്രാദേശിക തലത്തില്‍ പോസ്റ്റ് ഓഫീസുകളില്‍ നിന്ന് കത്തുകള്‍ അയച്ച് ഈ യജ്ഞത്തില്‍ പൊതുജനങ്ങള്‍ പങ്കാളികളാകണമെന്നും തങ്ങള്‍ ആവശ്യപ്പെട്ടു. ഡി സി സി പ്രസിഡന്റ് വി വി പ്രകാശ് അധ്യക്ഷനായിരുന്നു.
Published by:Naseeba TC
First published: