നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • നവജാത ശിശുവിനെ അമ്മയിൽ നിന്ന് വേർപിരിച്ച സംഭവം: മാതാപിതാക്കൾക്കും ബന്ധുക്കൾക്കുമെതിരെ പൊലീസ് കേസെടുത്തു

    നവജാത ശിശുവിനെ അമ്മയിൽ നിന്ന് വേർപിരിച്ച സംഭവം: മാതാപിതാക്കൾക്കും ബന്ധുക്കൾക്കുമെതിരെ പൊലീസ് കേസെടുത്തു

    ദുര​ഭി​മാ​ന​ത്തെ തു​ട​ര്‍ന്നാ​ണ് ര​ക്ഷാ​ക​ർ​ത്താ​ക്ക​ള്‍ കു​ഞ്ഞി​നെ കൊ​ണ്ടു​പോ​യ​തെ​ന്നാ​ണ് അ​നു​പ​മ​യു​ടെ ആരോ​പ​ണം.

    News18 Malayalam

    News18 Malayalam

    • Share this:
      തി​രു​വ​ന​ന്ത​പു​രം: തങ്ങളുടെ സമ്മതമില്ലാതെ സ്വന്തമായി ജീവിത പങ്കാളിയെ തെരഞ്ഞെടുത്ത മ​ക​ളു​ടെ ആൺകു​ഞ്ഞി​നെ ഒ​ളി​പ്പി​ച്ച​തി​ന്​ ദ​മ്പ​തി​ക​ൾ​ക്കെ​തി​രെ ഒടുവിൽ പൊ​ലീ​സ്​ കേ​സെ​ടു​ത്തു. മു​ൻ എ​സ് ​എ​ഫ് ​ഐ നേ​താ​വ് (Former SFI Leader) അ​നു​പ​മ​യു​ടെ (Anupama) പ​രാ​തി​യി​ലാ​ണ് പി​താ​വും സി പി ​എം (CPM) പേ​രൂ​ർ​ക്ക​ട ലോ​ക്ക​ൽ ക​മ്മി​റ്റി അം​ഗ​വു​മാ​യ പി ​എ​സ് ജ​യ​ച​ന്ദ്ര​ന്‍, മാ​താ​വും സി പി എം ബ്രാ​ഞ്ച് ക​മ്മി​റ്റി അം​ഗ​വു​മാ​യ സ്മി​താ ജ​യിം​സ് എ​ന്നി​വ​ർ​ക്കെ​തി​രെ കേ​സെ​ടു​ത്ത​ത്. അ​നു​പ​മ​യു​ടെ സ​ഹോ​ദ​രി അ​ഞ്ജു, സ​ഹോ​ദ​രീ ഭ​ർ​ത്താ​വ് അ​രു​ൺ, ജ​യ​ച​ന്ദ്രന്റെ സു​ഹൃ​ത്തു​ക്ക​ളും സിപി​എം പ്രാ​ദേ​ശി​ക നേ​താ​ക്ക​ളു​മാ​യ ര​മേ​ശ​ൻ, അ​നി​ൽ​കു​മാ​ർ എ​ന്നി​വ​ർ​ക്കെ​തി​രെ​യും പേ​രൂ​ർ​ക്ക​ട പൊ​ലീ​സ് കേ​​സെ​ടു​ത്തി​ട്ടു​ണ്ട്. അ​നു​പ​മ​യു​ടെ കു​ഞ്ഞി​നെ കാ​ണാ​താ​യ സം​ഭ​വ​ത്തി​ല്‍ പ​രാ​തി ന​ൽ​കി ആ​റ് മാ​സ​ത്തി​ന് ശേ​ഷ​മാ​ണ് പൊ​ലീ​സ് എ​ഫ്‌ ഐ ആ​ര്‍ ര​ജി​സ്റ്റർ ചെ​യ്ത​ത്.

      ഡി വൈ എഫ്​ ഐ മേഖലാ പ്രസിഡന്റും ദളിത് ക്രിസ്ത്യനുമായ അജിത്തുമായുള്ള മകൾ അനുപമയുടെ ബന്ധത്തെ മാതാപിതാക്കൾ എതിർത്തു. എന്നാൽ, ഈ ബന്ധത്തിൽ ക​ഴി​ഞ്ഞ വ​ർ​ഷം ഒ​ക്ടോ​ബ​ര്‍ 19ന്​ അ​നു​പ​മ ആ​ണ്‍കു​ഞ്ഞി​ന് ജ​ന്മം ന​ല്‍കി. ശേഷം, സ​ഹോ​ദ​രി​യു​ടെ വി​വാ​ഹം ക​ഴി​ഞ്ഞ് തി​രി​ച്ചേ​ല്‍പി​ക്കാ​മെ​ന്ന് പ​റ​ഞ്ഞ് അ​ച്ഛ​നും അ​മ്മ​യും കു​ട്ടി​യെ കൊ​ണ്ടു​പോ​യെ​ന്നാ​ണ് അ​നു​പ​മ​യു​ടെ പ​രാ​തി. പി​ന്നീ​ട്​ കു​ഞ്ഞി​നെ ശി​ശു​ക്ഷേ​മ സ​മി​തി​യി​ൽ ഏ​ൽ​പി​ക്കു​ക​യാ​യി​രു​ന്നു​വെന്നും പരാതിയിൽ പറയുന്നു. ദുര​ഭി​മാ​ന​ത്തെ തു​ട​ര്‍ന്നാ​ണ് ര​ക്ഷാ​ക​ർ​ത്താ​ക്ക​ള്‍ കു​ഞ്ഞി​നെ കൊ​ണ്ടു​പോ​യ​തെ​ന്നാ​ണ് അ​നു​പ​മ​യു​ടെ ആ​രോ​പ​ണം. എ​ന്നാ​ൽ, അനു​പ​മ​യു​ടെ സ​മ്മ​ത​ത്തോ​ടെ​യാ​ണ്​ കു​ട്ടി​യെ ശി​ശു​ക്ഷേ​മ​സ​മി​തി​യി​ല്‍ ഏ​ല്‍പി​ച്ച​തെ​ന്നാ​ണ് ജ​യ​ച​ന്ദ്ര​​ൻ പ​റ​യു​ന്ന​ത്.

      Also Read- Murder| കിടപ്പുരോഗിയായ ഭര്‍ത്താവിനെ കഴുത്തറുത്ത് കൊന്നത് ദുരവസ്ഥ കണ്ട് മനംനൊന്തെന്ന് ഭാര്യ

      വിവാഹിതനായിരുന്ന അജിത്​ കഴിഞ്ഞ ജനുവരിയിൽ വിവാഹ മോചിതനായി. കഴിഞ്ഞ മാർച്ച്​ മുതൽ അജിതും അനുപമയും ഒരുമിച്ചാണ്​ ജീവിക്കുന്നത്​. ഏ​പ്രി​ല്‍ 19നാ​ണ് അ​നു​പ​മ പേ​രൂ​ര്‍ക്ക​ട പൊ​ലീ​സി​ല്‍ പ​രാ​തി ന​ല്‍കി​യ​ത്. പ​ക്ഷേ, കേ​സെ​ടു​ക്കാ​ൻ പൊ​ലീ​സ് ത​യാ​റാ​യി​ല്ല. അ​നു​പ​മ​യു​ടെ പ​രാ​തി സ്വീ​ക​രി​ക്കാ​നാ​കി​ല്ലെ​ന്ന് ചൈ​ല്‍ഡ് വെ​ല്‍ഫ​യ​ര്‍ ക​മ്മി​റ്റി​യും ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു.

      Also Read- വീട്ടുജോലിക്കാരിയുടെ മകളെ ലൈംഗികമായി പീഡിപ്പിച്ചു; മോൻസനെതിരെ പോക്സോ കേസ്

      തന്‍റെ കുഞ്ഞിനെ തിരിച്ചു കിട്ടാൻ നേരത്തെ സിപിഎം നേതാക്ക​ളെ കണ്ട്​ പരാതി പറഞ്ഞിരുന്നെങ്കിലും അവരാരും സഹായിക്കാൻ തയാറായില്ലെന്ന്​ അനുപമ ആരോപിക്കുന്നു. പാർട്ടിയിൽ നിന്ന്​ സഹായമൊന്നും ലഭിക്കാതായതോടെ ഡിജിപിക്കടക്കം പരാതി നൽകിയിരുന്നു. എന്നാൽ, അതിലും നടപടി ഉണ്ടായില്ല. സംഭവം മാധ്യമങ്ങളിൽ വാർത്തയായ ശേഷമാണ്​ പൊലീസ്​ കേസെടുക്കാൻ തയാറായത്​.
      Published by:Rajesh V
      First published:
      )}