ആക്രമണങ്ങളുടെ ഉത്തരവാദിത്വം സംഘപരിവാറിനെന്ന് മുഖ്യമന്ത്രി

തിരുവനന്തപുരം: കേരളത്തിൽ നടന്നുവരുന്ന ആക്രമണങ്ങളുടെ ഉത്തരവാദിത്വം സംഘപരിവാറിനാണെന്ന് മുഖ്യമന്ത്രി പിണറായി വിജയൻ. തിരുവനന്തപുരത്ത് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. നാടിന്‍റെ ശാന്തിയും സമാധാനവും തകർക്കാനുള്ള ബോധപൂർവമായ നീക്കമാണ് നടക്കുന്നത്. നേരത്തെ ആസൂത്രണം ചെയ്തതിന്‍റെ ഭാഗമായുള്ള അക്രമങ്ങളാണ് പലയിടത്തും നടക്കുന്നത്. ജനപ്രതിനിധികളെ ആക്രമിക്കുന്നു, മാധ്യമപ്രവർത്തകരെ ആക്രമിക്കുന്നു, പൊതുകെട്ടിടങ്ങൾ നശിപ്പിക്കുന്നു, നിരവധി പാർട്ടികളുടെ ഓഫീസുകൾ നശിപ്പിക്കുന്നു, ഇതിന്‍റെയെല്ലാം പിന്നീൽ നാട്ടിൽ വലിയതോതിലുള്ള പ്രകോപനം സൃഷ്ടിക്കുകയെന്ന ഉദ്ദേശമാണുള്ളത്. ഇതിനുള്ള ശ്രമമാണ് സംഘപരിവാർ നടത്തുന്നതെന്നും അദ്ദേഹം ആരോപിച്ചു.