'ഡോ. ഹാരിസ് അർപ്പണബോധമുള്ളയാൾ; ആരോഗ്യ മേഖലയെ തെറ്റായി ചിത്രീകരിക്കാന് ശ്രമം നടക്കുന്നു': മുഖ്യമന്ത്രി
- Published by:Sneha Reghu
- news18-malayalam
Last Updated:
മെഡിക്കൽ കോളേജുകളിൽ ശസ്ത്രക്രിയയ്ക്ക് ആവശ്യമായ എല്ലാ കാര്യങ്ങളും സര്ക്കാര് ഒരുക്കിയിട്ടുണ്ടെന്നും മുഖ്യമന്ത്രി യോഗത്തിൽ പറഞ്ഞു
തിരുവനന്തപുരം മെഡിക്കൽ കോളേജിലെ ശസ്ത്രക്രിയാ പ്രതിസന്ധിയുമായി ബന്ധപ്പെട്ട് വെളിപ്പെടുത്തൽ നടത്തിയ ഡോ.ഹാരിസ് ചിറയ്ക്കലിനെതിരെ മുഖ്യമന്ത്രി പിണറായി വിജയൻ. കേരളത്തിലെ ആരോഗ്യ മേഖലയെ തെറ്റായി ചിത്രീകരിക്കാൻ ശ്രമം നടക്കുന്നതായി മുഖ്യമന്ത്രി പറഞ്ഞു. കണ്ണൂരിൽ നടന്ന അവലോകന യോഗത്തിലാണ് മുഖ്യമന്ത്രിയുടെ വിമർശനം.
ഡോക്ടർ ഹാരിസ് അർപ്പണബോധമുള്ളയാളാണെന്നും മുഖ്യമന്ത്രി പറഞ്ഞു. ഡോക്ടര് ഹാരിസ് ചിറയ്ക്കല് അഴിമതി തീണ്ടാത്ത ആത്മാര്ത്ഥതയോടെ ജോലി ചെയ്യുന്ന ഉദ്യോഗസ്ഥനാണ്. അത്തരത്തിലെ ഒരാൾ ഇന്ത്യയിലെ ഏറ്റവും നല്ല ആരോഗ്യ മേഖലയെ തെറ്റായി ചിത്രീകരിക്കുന്നതിന് ഇടയായെന്നും മുഖ്യമന്ത്രി വ്യക്തമാക്കി.
മെഡിക്കൽ കോളേജുകളിൽ ശസ്ത്രക്രിയയ്ക്ക് ആവശ്യമായ എല്ലാ കാര്യങ്ങളും സര്ക്കാര് ഒരുക്കിയിട്ടുണ്ടെന്നും മുഖ്യമന്ത്രി യോഗത്തിൽ പറഞ്ഞു. ഇല്ലാത്ത ഉപകരണങ്ങള് വളരെ വേഗം വാങ്ങി നല്കാറുണ്ട്. കേരളത്തെ താറടിച്ചു കാണിക്കണം എന്ന് ആഗ്രഹിക്കുന്നവര്ക്ക് ഉപയോഗിക്കാന് കഴിയും വിധം അതൃപ്തി പുറത്തുവിട്ടാല് നല്ല പ്രവര്ത്തനങ്ങളെല്ലാം തെറ്റായ ചിത്രീകരണത്തിന് ഇടയാക്കുമെന്നും മുഖ്യമന്ത്രി കൂട്ടിച്ചേർത്തു.
advertisement
കഴിഞ്ഞ ആഴ്ചയിലായിരുന്നു തിരുവനന്തപുരം മെഡിക്കല് കോളേജിലെ ഗുരുതരമായ പ്രതിസന്ധിയെ കുറിച്ചുള്ള ആരോപണങ്ങളുമായി യൂറോളജി വിഭാഗം മേധാവി ഹാരിസ് ചിറയ്ക്കല് രംഗത്തെത്തിയത്. ആശുപത്രിയില് ഉപകരണങ്ങള് ഇല്ലെന്നും അവ വാങ്ങിനല്കാന് ഉദ്യോഗസ്ഥരുടേയും മറ്റുള്ളവരുടെയും ഭാഗത്തുനിന്ന് നടപടിയുണ്ടാകുന്നില്ലെന്നുമായിരുന്നു ഹാരിസ് ചിറയ്ക്കലിന്റെ ആരോപണം. ഗുരുതര ആരോപണങ്ങൾ ഉന്നയിച്ചതിന് പിന്നാലെ മന്ത്രിയുടെ പിഎസ് ഓഫീസ് പ്രശ്നങ്ങൾ പരിഹരിക്കാമെന്ന് ഉറപ്പും നൽകിയിരുന്നു. ഇതോടയാണ് ഡോ. ഹാരിസ് പോസ്റ്റ് ഫെയ്സ്ബുക്കിൽ നിന്നും പിൻവലിച്ചത്.
രോഗികളുടെ മുന്നിൽ നിസ്സഹായനായി നിൽക്കുന്ന താൻ ജോലി രാജിവയ്ക്കുന്ന കാര്യം പോലും ആലോചിക്കുന്നതായും കുറിപ്പിൽ പറഞ്ഞിരുന്നു. ഇതിന് പിന്നാലെ പോസ്റ്റിൽ പ്രതികരിച്ച് ഡിഎംഇയും രംഗത്ത് വന്നിരുന്നു. ഡോക്ടറിന്റേത് വൈകാരിക പ്രതികരണമാണെന്നും മൊത്തം സംവിധാനത്തെ നാണം കെടുത്താന് വേണ്ടി പോസ്റ്റിട്ടതാണെന്നാണ് ഡിഎംഇ പറഞ്ഞത്. തുടർന്ന്, മാധ്യമങ്ങളെ കണ്ട മന്ത്രി വീണാ ജോര്ജ് വിഷയത്തില് സമഗ്ര അന്വേഷണം നടത്തുമെന്നും അറിയിച്ചിരുന്നു. ഇതിന്റെ അടിസ്ഥാനത്തിൽ വിഷയത്തില് വിശദമായി അന്വേഷണം നടത്തി അടിയന്തരമായി റിപ്പോര്ട്ട് സമര്പ്പിക്കാൻ നാലംഗ സമിതിയെയും രൂപീകരിച്ചിട്ടുണ്ട്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
July 01, 2025 10:19 PM IST
മലയാളം വാർത്തകൾ/ വാർത്ത/Kerala/
'ഡോ. ഹാരിസ് അർപ്പണബോധമുള്ളയാൾ; ആരോഗ്യ മേഖലയെ തെറ്റായി ചിത്രീകരിക്കാന് ശ്രമം നടക്കുന്നു': മുഖ്യമന്ത്രി