വോട്ടും സീറ്റും നോക്കിയല്ല ' ശബരിമല'യിൽ നിലപാട് സ്വീകരിക്കുന്നതെന്ന് മുഖ്യമന്ത്രി
Last Updated:
തിരുവനന്തപുരം: ശബരിമല വിഷയത്തിൽ വോട്ടും സീറ്റും നോക്കിയല്ല നിലപാട് സ്വീകരിക്കുന്നതെന്ന് മുഖ്യമന്ത്രി പിണറായി വിജയൻ. സവർണനെന്നും അവർണനെന്നും സ്ത്രീയെന്നും പുരുഷനെന്നും വിശ്വാസിയെന്നും അവിശ്വാസിയെന്നും വേർതിരിവ് ഉണ്ടാക്കാൻ ശ്രമിക്കുന്നു. ഇത് വിജയിക്കാൻ അനുവദിച്ചാൽ ഇന്ന് കാണുന്ന കേരളം ഇനി ഉണ്ടാകില്ലെന്നും മുഖ്യമന്ത്രി പറഞ്ഞു. തിരുവനന്തപുരത്ത് ഡി വൈ എഫ് ഐയുടെ പരിപാടിയിൽ പങ്കെടുത്ത് സംസാരിക്കുകയായിരുന്നു അദ്ദേഹം.
എത്ര വോട്ട് കിട്ടുമെന്നതോ എത്ര വോട്ട് നഷ്ടപ്പെടുമെന്നതോ എത്ര സീറ്റ് കിട്ടുമെന്നതോ എത്ര സീറ്റ് നഷ്ടപ്പെടുമെന്നതോ ഒന്നും നമ്മുടെ പരിഗണനയിൽ വരുന്ന കാര്യങ്ങളല്ല. എല്ലാ വെളിച്ചവും തല്ലിക്കെടുത്തി ഇരുട്ട് വ്യാപിപ്പിക്കാനാകുമോയെന്ന് വലിയ തോതിൽ ശ്രമം നടക്കുന്നൊരു കാലമാണ് ഇതെന്നും മുഖ്യമന്ത്രി പറഞ്ഞു.
advertisement
ആചാരത്തിന്‍റെയും വിശ്വാസത്തിന്‍റെയും പേരിൽ മനുഷ്യരെ വേർതിരിച്ച് വലിയ വിടവുകളുണ്ടാക്കാൻ ശ്രമിക്കുന്നെന്നും ഇത് വിജയിക്കാൻ അനുവദിച്ചാൽ ഇന്ന് നാം കാണുന്ന കേരളം പിന്നെ ഉണ്ടാകില്ലെന്നും മുഖ്യമന്ത്രി പറഞ്ഞു. വിജെടി ഹാളിൽ ഡി വൈ എഫ് ഐയുടെ യുവതാര പുരസ്കാരം സമ്മാനിച്ച് പ്രസംഗിക്കുകയായിരുന്നു മുഖ്യമന്ത്രി.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
November 07, 2018 6:32 PM IST
മലയാളം വാർത്തകൾ/ വാർത്ത/Kerala/
വോട്ടും സീറ്റും നോക്കിയല്ല ' ശബരിമല'യിൽ നിലപാട് സ്വീകരിക്കുന്നതെന്ന് മുഖ്യമന്ത്രി
