COVID 19 | ആത്മവിശ്വാസം നല്ലത്, ജാഗ്രത ഉപേക്ഷിക്കരുത്, വ്യാപനസാധ്യത ഇപ്പോഴുമുണ്ടെന്ന് മുഖ്യമന്ത്രി

ഇന്ന് റിപ്പോർട്ട് ചെയ്ത 12 കേസുകളിൽ 11 എണ്ണവും സമ്പർക്കത്തിലൂടെയാണ് ഉണ്ടായത്. അതിൽ ഭൂരിഭാഗം പേരും ഒരു കുടുംബത്തിലെ തന്നെ അംഗങ്ങളാണ്. അതിനാൽ തന്നെ സാമൂഹ്യവ്യാപനത്തിന്റെ സാധ്യതയെ തള്ളിക്കളയാൻ കഴിയില്ലെന്നും ജാഗ്രത ഉപേക്ഷിക്കരുതെന്നും മുഖ്യമന്ത്രി പറഞ്ഞു.

[NEWS]കൊറോണ വൈറസ് പരത്തുന്നു എന്നാരോപിച്ച് വനിതാ ഡോക്ടര്‍മാര്‍ക്ക് നേരെ കയ്യേറ്റം [NEWS]അമേരിക്കക്കാരിയുടെ ഭ്രാന്ത്! സൂപ്പർമാർക്കറ്റിലെ ആഭരണങ്ങളും നിത്യോപയോഗ വസ്തുക്കളും നാവുകൊണ്ട് മലിനമാക്കി [NEWS]

അശ്രദ്ധ കാണിച്ചാൽ ഇപ്പോഴും എന്തും സംഭവിക്കാമെന്നും മുഖ്യമന്ത്രി പറഞ്ഞു. മാസ്ക് ഉപയോഗം വ്യാപകമാകുന്നുണ്ടെന്നും N 95 മാസ്ക് രോഗിക്കും ശുശ്രൂഷിക്കുന്നവർക്കും മാത്രം മതിയെന്നും മുഖ്യമന്ത്രി പറഞ്ഞു.

സംസ്ഥാനത്ത് കോവിഡ് 19 സ്ഥിരീകരിച്ചിട്ട് ഇന്ന് നൂറു ദിവസമായെന്നും മുഖ്യമന്ത്രി അറിയിച്ചു. ഇന്ന് സംസ്ഥാനത്ത് 12 പേർക്കാണ് കോവിഡ് 19 സ്ഥിരീകരിച്ചത്. കണ്ണൂർ - 4, കാസർഗോഡ് - 4, കൊല്ലം, തിരുവനന്തപുരം ജില്ലകളിൽ ഓരോന്നും മലപ്പുറം ജില്ലയിൽ രണ്ടും കേസുകളാണ് റിപ്പോർട്ട് ചെയ്തത്. ഇതിൽ 11 പേർക്കും സമ്പർക്കത്തിലൂടെയാണ് രോഗം പകർന്നത്.

153 പേർ ഇന്ന് ആശുപത്രിയിൽ എത്തിയെന്നും മുഖ്യമന്ത്രി അറിയിച്ചു. 12810 സാംപിൾ പരിശോധിച്ചതിൽ 11469 സാമ്പിളുകൾ നെഗറ്റീവ് ആണെന്നും മുഖ്യമന്ത്രി വ്യക്തമാക്കി.