വീട്ടിലേക്ക് പോകുന്നതിനിടെ മാന് കുറുകെച്ചാടി സ്കൂട്ടര് യാത്രക്കാരായ ദമ്പതിമാര്ക്ക് പരിക്ക്.
- Published by:Sarika KP
- news18-malayalam
Last Updated:
കാട്ടാനയെ പേടിച്ച് എളുപ്പവഴി ഒഴിവാക്കി വീട്ടിലേക്ക് പോവുകയായിരുന്നു
മാനന്തവാടി: കാട്ടാനയെ പേടിച്ച് വഴിമാറി വീട്ടിലേക്ക് സ്കൂട്ടറിൽ പോവുകയായിരുന്ന ദമ്പതിമാര്ക്ക് മാന് കുറുകെച്ചാടി പരിക്കേറ്റു. പാല്വെളിച്ചത്തെ പാറയ്ക്കല് പി.ടി. അനില്കുമാര് (45), ഭാര്യ ഇ.എസ്. അനില (42) എന്നിവര്ക്കാണ് പരിക്കേറ്റത്. ശനിയാഴ്ച രാത്രിയോടെയാണ് അപകടം നടന്നത്. മാനന്തവാടിയില്നിന്ന് വീട്ടിലേക്ക് പോകുന്നതിനിടെയാണ് സ്വകാര്യതോട്ടത്തില്നിന്ന് മാന് സ്കൂട്ടറിന് മുന്നിലേക്ക് ചാടുകയായിരുന്നു.
അപകടത്തിൽ അനിലിന് ഇടതുകാലില് ആഴത്തിലുള്ള മുറിവും അനിലയുടെ ഇടതു തോളെല്ല് പൊട്ടലെറ്റിട്ടുണ്ട്. അപകടം നടന്നയുടന് സമീപത്തുണ്ടായിരുന്ന പയ്യമ്പള്ളി വില്ലേജ് അസിസ്റ്റന്റ് എന്.എസ്. പ്രദീഷ് ആണ് ഇരുവരെയും മാനന്തവാടിയിലെ വയനാട് ഗവ. മെഡിക്കല് കോളേജ് ആശുപത്രിയില് പ്രവേശിപ്പിച്ചിരുന്നു.
Also read-ലോകകപ്പിൽ ബ്രസീൽ തോറ്റ മത്സരം കാണുന്നതിനിടെ സ്ട്രോക്ക് വന്ന ആരാധകനായ ഫുട്ബോൾതാരം ഗുരുതരാവസ്ഥയിൽ
തുടർ ചികിത്സയ്ക്കായി ഞായറാഴ്ച രാവിലെ കല്പറ്റയിലെ സ്വകാര്യ ആശുപത്രിയില് ചികിത്സതേടിയശേഷം പരിക്കേറ്റ ദമ്പതിമാര് കോഴിക്കോട് ഗവ. മെഡിക്കല് കോളേജ് ആശുപത്രിയില് ചികിത്സതേടി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Dec 19, 2022 11:51 AM IST
മലയാളം വാർത്തകൾ/ വാർത്ത/Kerala/
വീട്ടിലേക്ക് പോകുന്നതിനിടെ മാന് കുറുകെച്ചാടി സ്കൂട്ടര് യാത്രക്കാരായ ദമ്പതിമാര്ക്ക് പരിക്ക്.
