BREAKING; കേരളത്തിൽ ആദ്യ കോവിഡ് മരണം; മരിച്ചത് മട്ടാഞ്ചേരി സ്വദേശി
- Published by:Gowthamy GG
- news18-malayalam
Last Updated:
മട്ടാഞ്ചേരി സ്വദേശിയായ 69 കാരനാണ് മരിച്ചത്. കളമശേരി മെഡിക്കൽ കോളജിൽ ചികിത്സയിലായിരുന്നു.
കൊച്ചി: കേരളത്തിൽ ആദ്യ കോവിഡ് മരണം. മട്ടാഞ്ചേരി ചുള്ളിക്കൽ സ്വദേശിയായ 69 കാരനാണ് മരിച്ചത്. കളമശേരി മെഡിക്കൽ കോളജിൽ ചികിത്സയിലായിരുന്നു. ഈ മാസം 16ന് ദുബായിൽ നിന്നെത്തിയതായിരുന്നു ഇയാൾ. ഇയാൾ ഹൃദ്രോഗിയായിരുന്നു. കടുത്ത ന്യൂമോണിയയെ തുടർന്ന് 22നാണ് ആശുപത്രിയിൽ പ്രവേശിപ്പിച്ചത്.
കടുത്ത ഹൃദ്രോഗത്തിനും രക്തസമ്മർദത്തിനും ചികിത്സയിലായിരുന്ന ഇദ്ദേഹം ബൈപ്പാസ് ശസ്ത്രക്രിയയ്ക്കും വിധേയനായിരുന്നു. ഇന്നു രാവിലെ എട്ടുമണിയോടെയായിരുന്നു മരണം. മൃതദേഹം ബന്ധുക്കൾക്ക് കൈമാറി.
അതേസമയം ആശങ്കവേണ്ടെന്ന് മന്ത്രി വി എസ് സുനില് കുമാർ പറഞ്ഞു. ഹൈറിസ്കിൽ ഉണ്ടായിരുന്ന ആളാണ് മരിച്ചതെന്ന് മന്ത്രി വ്യക്തമാക്കി. പ്രോട്ടോക്കോൾ അനുസരിച്ച് സംസ്കാരം നടത്തുമെന്ന് മന്ത്രി.
You may also like:'കേരളത്തിലെ കോവിഡ് രോഗികളുടെ പകുതിയിലേറെയും ഒറ്റജില്ലയിൽ നിന്ന്: 81 കാസര്ഗോഡുകാർ പട്ടികയിൽ
advertisement
[NEWS]'നിങ്ങളിൽ ലജ്ജ തോന്നുന്നു; കുറച്ച് ഉത്തരവാദിത്വം കാണിക്കു': മാധ്യമങ്ങൾക്കെതിരെ സാക്ഷി ധോണി [PHOTO]COVID 19 പെരുമാറ്റ ചട്ടം; അപകടത്തിൽ മരിച്ച സഹപ്രവർത്തകന് അന്ത്യാഞ്ജലി അർപ്പിക്കാനാകാതെ പൊലീസ് സേന
[NEWS]
ഇയാളുടെ ഭാര്യയ്ക്കും ഇയാൾ സഞ്ചരിച്ച ടാക്സി ഡ്രൈവർക്കും കോവിഡ് സ്ഥിരീകരിച്ചിട്ടുണ്ട്. ഇവരുടെ ആരോഗ്യം തൃപ്തികരമാണ്. ദുബായിൽ നിന്ന് അദ്ദേഹം വന്ന വിമാനത്തിലെ 40 പേരെ നേരത്തെ നിരീക്ഷണത്തിലാക്കിയിരുന്നു. ഇയാൾക്കു ശേഷം ടാക്സിയിൽ യാത്ര ചെയ്തവരോടും നിരീക്ഷണത്തിൽ പോകാൻ ആവശ്യപ്പെട്ടിരുന്നു. മരിച്ചയാൾ താമസിച്ച ഫ്ലാറ്റിലുള്ളവരും നിരീക്ഷണത്തിലാണ്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
March 28, 2020 12:22 PM IST
