കെ സുധാകരനെതിരെ മൊഴി എഴുതി തന്നില്ലെങ്കിൽ വണ്ടിയിൽ ഇട്ട് ചവിട്ടി ഒടിക്കുമെന്ന് പറ‍ഞ്ഞു; DYSPക്കെതിരെ മോൻസൺ മാവുങ്കലിന്റെ പരാതി

കളമശ്ശേരി ക്രൈം ബ്രാഞ്ച് ഓഫീസിന് അടുത്തുള്ള പെട്രോൾ പമ്പിൽ ഒഴിഞ്ഞ സ്ഥലത്ത് വണ്ടി നിർത്തി ഡിവൈഎസ്പി ആരോടോ ഫോണിൽ സംസാരിച്ചു. ഇതിനു ശേഷം തന്നെ മോശമായ ഭാഷകൾ ഉപയോഗിച്ച് ചീത്ത വിളിച്ചു.

കെ സുധാകരന് എതിരായ രണ്ട് മൊഴി ഇപ്പോൾ എഴുതി തന്നില്ലെങ്കിൽ വണ്ടിയിൽ ഇട്ട് തന്നെ ചവിട്ടി ഒടിക്കുമെന്നും തോക്ക് കൊണ്ട് തല അടിച്ചു പൊട്ടിക്കുമെന്നും പറഞ്ഞു. വണ്ടിയിൽ നിന്ന് ചാടി രക്ഷപ്പെടാൻ ശ്രമിച്ചു എന്നു പറഞ്ഞ് റിപ്പോർട്ട് എഴുതി കൊടുത്താൽ ആരും തന്നെ ഒരു ചുക്കും ചെയ്യില്ലെന്ന് പറഞ്ഞ് തെറി വിളിച്ചു.