എറണാകുളം ശിവക്ഷേത്രോത്സവത്തിൽ ഉദ്ഘാടകനായി ദിലീപ്; പ്രതിഷേധത്തിൽ പരിപാടി മാറ്റി

എറണാകുളം: ശിവക്ഷേത്രോത്സവത്തിന്റെ ഉദ്ഘാടനത്തിനായി നടൻ ദിലീപിനെ ക്ഷണിച്ചതിനെതിരെ വിവാദം. പ്രതിഷേധം ശക്തമായതിനെ തുടർന്ന് നാളെ നടക്കാനിരുന്ന പരിപാടി മാറ്റിവെച്ചു. കൊച്ചിൻ ദേവസ്വം ബോർഡിന്റെ കീഴിലുള്ള ക്ഷേത്രത്തിലെ ജനുവരിയിൽ ആരംഭിക്കുന്ന ഉത്സവവുമായി ബന്ധപ്പെട്ട കൂപ്പൺ വിതരണത്തിന്റെ ഉദ്ഘാടനത്തിനായാണ് ദിലീപിനെ ക്ഷണിച്ചിരുന്നത്. ചൊവ്വാഴ്ച വൈകീട്ട് 6:30ന് നിശ്ചയിച്ചിരുന്ന പരിപാടിയാണ് പ്രതിഷേധം കാരണം മാറ്റിയത്. പരിപാടിയുടെ നോട്ടീസ് സമൂഹമാധ്യമങ്ങളിൽ പ്രചരിച്ചതോടെയാണ് വ്യാപകമായ വിമർശനം ഉയർന്നത്.