Heavy Rain | കനത്ത മഴ: ദുബായ്-കോഴിക്കോട് വിമാനം മൂന്നുതവണ വഴിതിരിച്ചുവിട്ടു
- Published by:Anuraj GR
- news18-malayalam
Last Updated:
ദുബായിൽനിന്ന് എത്തിയ വിമാനം കരിപ്പുരിൽ ലാൻഡ് ചെയ്യാൻ ശ്രമിച്ചെങ്കിലും മൂന്നുതവണയും സാധിച്ചില്ല. ഒരു തവണ കൊയമ്പത്തൂരിലേക്കും രണ്ടുതവണ കൊച്ചിയിലേക്കും വിമാനം വഴിതിരിച്ചുവിട്ടു.
കോഴിക്കോട്: കനത്തമഴയെ തുടര്ന്ന് ദുബായ്-കോഴിക്കോട് വിമാനം കരിപ്പൂരിൽ ഇറങ്ങാനാകാതെ മൂന്നുതവണ തിരിച്ചുവിട്ടു. തുടര്ന്ന് കോഴിക്കോട്ടേക്കുള്ള 120 യാത്രക്കാരെ കൊച്ചിയില് ഇറക്കി. കോഴിക്കോട്ടുനിന്നു ദുബായിലേക്കു കൊണ്ടുപോകാനുള്ള 180 യാത്രക്കാരെ പിന്നീട് റോഡ് മാര്ഗം കൊച്ചിയിലെത്തിക്കുകയായിരുന്നു.
ഫ്ലൈ ദുബായ് വിമാനമാണ് കനത്ത മഴയെ തുടർന്ന് കൊച്ചിയിൽ ഇറങ്ങാതെ വഴി തിരിച്ചുവിട്ടത്. ഇതോടെ ഈ വിമാനത്തിൽ പോകേണ്ടിയിരുന്ന 180 യാത്രക്കാരെയാണ് റോഡ് മാർഗം നെടുമ്പാശേരിയിൽ എത്തിച്ച്. അവരെ കൊച്ചിയിൽനിന്ന് പിന്നീട് കൊണ്ടുപോകും.
ദുബൈയില്നിന്നു വെള്ളിയാഴ്ച വൈകിട്ടു കോഴിക്കോട് എത്തിയ വിമാനം മഴമൂലം ഇറങ്ങാനാകാതെ ആദ്യം കോയമ്ബത്തൂരിലേക്കു തിരിച്ചുവിട്ടിരുന്നു. ഈ വിമാനം ശനിയാഴ്ച പുലര്ച്ചെ അഞ്ചുമണിക്ക് 120 യാത്രക്കാരുമായി വീണ്ടും കോഴിക്കോട്ടേക്കു മടങ്ങിയെത്തുകയായിരുന്നു.
advertisement
You may also like:'സുഖത്തിലും ദു:ഖത്തിലും ഒരുമിച്ചു കൂടെ ഉണ്ടാകണം എന്ന് പഠിപ്പിച്ചവർക്ക്' വിവാഹ വാർഷികാശംസകൾ നേർന്ന് ജഗതിയുടെ മകൾ [NEWS]'മലയാള സിനിമയിലെ ഷാഡോ പ്രൊഡ്യൂസേഴ്സ് ക്രിസ്തുമതത്തെ അപഹസിക്കുന്നു': കെസിബിസി [NEWS] Sunny Leone| 'ചീത്ത കാര്യങ്ങൾ മാത്രമല്ല നല്ലതും ഒരുപാട് ഉണ്ട്': ബോളിവുഡിനെ കുറിച്ച് സണ്ണി ലിയോണി [NEWS]
എന്നാല്, മഴമൂലം വിമാനത്തിന് കരിപ്പൂരിൽ ഇറങ്ങാനായില്ല. ഇതേത്തുടർന്നാണ് വിമാനം കൊച്ചിയിലേക്കു തിരിച്ചുവിട്ടത്. യാത്രക്കാരെ കൊച്ചിയില് ഇറക്കിയ ശേഷം, കോഴിക്കോട്ടുനിന്നു ദുബായിലേക്കുള്ള യാത്രക്കാരെ കൊണ്ടുപോകാനായി ഉച്ചയ്ക്ക് ഒരു മണിക്ക് കരിപ്പൂരിലെത്തിയെങ്കിലും വീണ്ടും കൊച്ചിയിലേക്കു തിരിച്ചുവിടുകയായിരുന്നു. ഇതോടെയാണ് യാത്രക്കാരെ റോഡ് മാർഗം കൊച്ചിയിലേക്ക് എത്തിച്ചത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Sep 13, 2020 4:53 PM IST
മലയാളം വാർത്തകൾ/ വാർത്ത/Kerala/
Heavy Rain | കനത്ത മഴ: ദുബായ്-കോഴിക്കോട് വിമാനം മൂന്നുതവണ വഴിതിരിച്ചുവിട്ടു
