മോൻസൺ മാവുങ്കൽ സ്പോൺസർ ചെയ്ത പരിപാടി;എറണാകുളം പ്രസ് ക്ലബ് സാമ്പത്തിക രേഖകൾ ഹാജരാക്കണമെന്ന് ഇഡി

Last Updated:

പരിപാടിയുടെ ഫണ്ടിന്റെ ഉറവിടത്തെക്കുറിച്ചുള്ള വിവരങ്ങളടക്കം ഹാജരാക്കാനാണ് നിർദേശം

News18
News18
കൊച്ചി: 2020-ൽ മോൻസൺ മാവുങ്കൽ സ്പോൺസർ ചെയ്തതായി പറയപ്പെടുന്ന കുടുംബയോഗവുമായി ബന്ധപ്പെട്ട സാമ്പത്തിക ഇടപാടുകളുടെ വിശദാംശങ്ങൾ ഹാജരാക്കണമെന്ന് ആവശ്യപ്പെട്ട് എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി) എറണാകുളം പ്രസ് ക്ലബ്ബിന് നോട്ടീസ് അയച്ചു. പരിപാടിയുടെ ഫണ്ടിന്റെ ഉറവിടത്തെക്കുറിച്ചുള്ള വിവരങ്ങൾ, ബാങ്ക് അക്കൗണ്ട് നമ്പറുകൾ എന്നിവ നൽകാനാണ് ഇഡി ജൂലൈ 11 അയച്ച നോട്ടീസിൽ പ്രസ് ക്ലബ്ബിനോട് ആവശ്യപ്പെട്ടത്.
കള്ളപ്പണം വെളുപ്പിക്കൽ നിരോധന നിയമപ്രകാരം (പിഎംഎൽഎ) മോൺസണും മറ്റുള്ളവരുംക്കെതിരെ ഇഡി നടത്തുന്ന അന്വേഷണത്തിന്റെ ഭാഗമായാണ് നോട്ടീസയച്ചത്. സ്പോൺസർ ചെയ്ത പരിപാടിയുമായി ബന്ധപ്പെട്ട സാമ്പത്തിക ഇടപാടുകൾ പരിശോധിക്കുകയും എന്തെങ്കിലും ക്രമക്കേടുകൾ നടന്നിട്ടുണ്ടോ എന്ന് കണ്ടെത്തുകയുമാണ് അന്വേഷണത്തിന്റെ ലക്ഷ്യം.
പ്രസ് ക്ലബ്ബിന് ഇതുവരെ ലഭിച്ച ഫണ്ടുകളുടെയും അവയുടെ വിനിയോഗത്തിന്റെയും വിവരങ്ങൾ, 2020 ലെ കുടുംബയോഗത്തിന്റെ ആകെ ചെലവ്, ചെലവുകളുടെ ഉറവിടം എന്നിവ സംബന്ധിച്ച വിവരങ്ങൾ എന്നിവയും അടിയന്തരമായി ഹാജരാക്കാനാണ് ഇഡിയുടെ നിർദേശം.
അതേസമയം, നോട്ടീസ് ലഭിച്ചതായി എറണാകുളം പ്രസ് ക്ലബ് സ്ഥിരീകരിച്ചു. ഫിലിപ്പോസ് മാത്യു പ്രസിഡന്റും ശശികാന്ത് സെക്രട്ടറിയുമായിരുന്ന മുൻ കമ്മിറ്റിയുടെ കാലത്താണ് പ്രസ്തുത പരിപാടി നടന്നതെന്ന് എറണാകുളം പ്രസ് ക്ലബ് അംഗം എം ഷജിൽ കുമാർ പറഞ്ഞു. അതിനുശേഷം ഓഫീസ് ജീവനക്കാരിൽ മാറ്റമില്ലെന്നും പ്രസ് ക്ലബ്ബിന്റെ ഔദ്യോഗിക ബാങ്ക് അക്കൗണ്ട് വഴി അത്തരമൊരു ഇടപാട് നടന്നിട്ടില്ലെന്നും അദ്ദേഹം സ്ഥിരീകരിച്ചു. തങ്ങൾക്ക് ഒന്നും മറച്ചുവെക്കാനില്ലെന്നും ബന്ധപ്പെട്ട എല്ലാ രേഖകളും ശേഖരിക്കാൻ ജീവനക്കാരോട് നിർദ്ദേശിച്ചിട്ടുണ്ടെന്നും ക്ലബ്ബിന്റെ എക്സിക്യൂട്ടീവ് കമ്മിറ്റിയുടെ അടിയന്തര യോഗത്തിന് ശേഷം തുടർ നടപടികൾ തീരുമാനിക്കുമെന്നും അദ്ദേഹം കൂട്ടിച്ചേർത്തു.
മലയാളം വാർത്തകൾ/ വാർത്ത/Kerala/
മോൻസൺ മാവുങ്കൽ സ്പോൺസർ ചെയ്ത പരിപാടി;എറണാകുളം പ്രസ് ക്ലബ് സാമ്പത്തിക രേഖകൾ ഹാജരാക്കണമെന്ന് ഇഡി
Next Article
advertisement
ശ്രീപത്മനാഭസ്വാമി ക്ഷേത്രത്തിലെ ആറാട്ട്;  തിരുവനന്തപുരം വിമാനത്താവളം 5 മണിക്കൂർ അടച്ചിടും; നഗരത്തിൽ  ഉച്ചകഴിഞ്ഞ് അവധി
ശ്രീപത്മനാഭസ്വാമി ക്ഷേത്രത്തിലെ ആറാട്ട്;തിരുവനന്തപുരം വിമാനത്താവളം 5 മണിക്കൂർ അടച്ചിടും;നഗരത്തിൽ ഉച്ചകഴിഞ്ഞ് അവധി
  • തിരുവനന്തപുരം വിമാനത്താവളം അല്‍പശി ആറാട്ട് പ്രമാണിച്ച് ഇന്ന് വൈകിട്ട് 4.45 മുതൽ 9 വരെ അടച്ചിടും.

  • അല്‍പശി ആറാട്ട് പ്രമാണിച്ച് തിരുവനന്തപുരം നഗരത്തിലെ സർക്കാർ ഓഫീസുകൾക്ക് ഉച്ചതിരിഞ്ഞ് അവധി.

  • യാത്രക്കാർ പുതുക്കിയ വിമാന ഷെഡ്യൂളും സമയവും അറിയാൻ എയർലൈനുകളുമായി ബന്ധപ്പെടണമെന്ന് അധികൃതർ.

View All
advertisement