'പോപ്പുലര്‍ ഫ്രണ്ടിന്റെ വോട്ട് വേണ്ടെന്ന് പരസ്യമായി നിലപാട് സ്വീകരിക്കാന്‍ സതീശന്‍ തയാറാകുമോ?' കെ സുരേന്ദ്രന്‍

'പ്രതിപക്ഷ നേതാവ് വി‍ഡി സതീശന് ധാർമ്മികതയുടെ ഒരു അംശമെങ്കിലും ഉണ്ടെങ്കിൽ പിഎഫ്ഐയുടെ വോട്ട് വേണ്ടെന്ന് പറയണമായിരുന്നു. നിരോധിത ഭീകരവാദസംഘടനയായ പോപ്പുലർ ഫ്രണ്ടിന്റെ വോട്ട് വേണ്ടെന്ന് പരസ്യമായി നിലപാട് സ്വീകരിക്കാന്‍ സതീശന്‍ തയാറാകുമോ?. ഈ തിരഞ്ഞെടുപ്പിൽ പോപ്പുലർ ഫ്രണ്ടിന് എന്താണ് കാര്യം? പോപ്പുലർ ഫ്രണ്ടും ജമാഅത്തെ ഇസ്ലാമിയും പരസ്യമായി യുഡിഎഫിന് പിന്തുണ പ്രഖ്യാപിച്ചിരിക്കുകയാണ്. കേരളത്തിൽ അടുത്തൊന്നും ഇത്രയും പരസ്യമായൊരു ബാന്ധവം ഉണ്ടായിട്ടില്ല. കോൺഗ്രസ് ഓഫീസിൽ നിറയെ എസ്ഡിപിഐക്കാർ ആണ്', സുരേന്ദ്രൻ ആരോപിച്ചു.

സതീശനോടൊപ്പം കോൺഗ്രസിന്റെ വാർറൂമിലും ഗോദയിലും പിഎഫ്ഐക്കാരാണ് നിറഞ്ഞിരിക്കുന്നതെന്നും കഴിഞ്ഞ തിരഞ്ഞെടുപ്പിൽ കാണിച്ച അതേ വർഗീയ തന്ത്രമാണ് യുഡിഎഫ് ഈ തിരഞ്ഞെടുപ്പിലും കാണിക്കുന്നതെന്നും അദേഹം ആരോപിച്ചു.