ശ്രീറാം വെങ്കിട്ടരാമനെ ആലപ്പുഴയിൽ നിന്ന് മാറ്റിയതിനെ സ്വാഗതം ചെയ്ത് കാന്തപുരവും കേരള മുസ്‌ലിം ജമാഅത്തും

കാന്തപുരം എ പി അബൂബക്കർ മുസ്‌ലിയാർ അധ്യക്ഷത വഹിച്ചു. സയ്യിദ് ഇബ്രാഹീം ഖലീലുൽബുഖാരി,വണ്ടൂർ അബ്ദുൽറഹ്മാൻഫൈസി,എൻ.അലിഅബ്ദുല്ല,സി.പി.സൈതലവി,മജീദ് കക്കാട്,എ.സൈഫുദീൻഹാജി,പ്രൊഫ.യു സി അബ്ദുൽ മജീദ് പങ്കെടുത്തു.

വി ആർ കൃഷ്ണ തേജയാണ് ആലപ്പുഴയിലെ പുതിയ കളക്ടർ. പ്രളയകാലത്ത് ആലപ്പുഴ സബ് കളക്ടറായിരുന്നു വി ആർ കൃഷ്ണ തേജ മൈലാവരപ്പ്. സപ്ലൈകോ ജനറൽ മാനേജറായാണ് ശ്രീറാമിന്റെ പുതിയ നിയമനം. സിവിൽ സപ്ലൈസ് കോർപറേഷൻ ജനറൽ മാനേജരായി നിയമിക്കപ്പെട്ട ശ്രീറാം വെങ്കിട്ടരാമൻ സപ്ലൈകോയുടെ കൊച്ചി ഓഫീസിലാണ് ഇനി പ്രവര്‍ത്തിക്കേണ്ടത്. ശ്രീറാമിൻ്റെ ഭാര്യയായ ഡോ. രേണുരാജ് കഴിഞ്ഞ ദിവസമാണ് എറണാകുളം ജില്ലാ കളക്ടറായി ചുമതലയേറ്റത്.

Also Read- പ്രതിഷേധം ഫലിച്ചു; ശ്രീറാം വെങ്കട്ടരാമൻ ആലപ്പുഴയിൽ നിന്ന് തെറിച്ചു

Also Read- ശ്രീറാം വെങ്കിട്ടരാമന്റെ നിയമനത്തിനെതിരെ കേരള മുസ്‍ലിം ജമാഅത്തിന്റെ സംസ്ഥാന വ്യാപക പ്രതിഷേധം

ശ്രീറാം വെങ്കിട്ടരാമനെ ആലപ്പുഴ ജില്ലാ കളക്ടറാക്കി നിയമിച്ചതിനെതിരെ വ്യാപകമായ പ്രതിഷേധം ഉയർന്നിരുന്നു. ഇതിനു പിന്നാലെയാണ് തീരുമാനം പിൻവലിച്ചുകൊണ്ടുള്ള സർക്കാർ നടപടി. പ്രതിപക്ഷത്തിനു പുറമേ, കേരള പത്ര പ്രവർത്തക യൂണിയനും കാന്തപുരം വിഭാഗത്തിന്റെ കേരള മുസ്ലിം ജമാഅത്തും നടപടിക്കെതിരെ ശക്തമായി പ്രതിഷേധിച്ചിരുന്നു. ശനിയാഴ്ച സംസ്ഥാന വ്യാപകമായി കലക്ടറേറ്റുകൾക്കും സെക്രട്ടറിയേറ്റിനും മുമ്പിലും പ്രതിഷേധമുയർന്നിരുന്നു.