വൈദ്യുതാഘാതമേറ്റ് മരണം കൂടുന്നു; അതിരാവിലെ പുറത്തിറങ്ങുന്നവര് തികഞ്ഞ ജാഗ്രത പുലർത്തണമെന്ന് കെ എസ് ഇ ബി
- Published by:ASHLI
- news18-malayalam
Last Updated:
പൊട്ടിക്കിടക്കുന്ന വൈദ്യുതകമ്പിയില് മാത്രമല്ല സമീപത്തും വൈദ്യുതപ്രവാഹമുണ്ടാകാൻ സാധ്യതയുള്ളതിനാൽ യാതൊരു കാരണവശാലും സമീപത്തേക്ക് പോകരുത്
സംസ്ഥാനത്ത് തുടരുന്ന ശക്തമായ കാറ്റിലും മഴയിലും കെഎസ്ഇബിയുടെ വൈദ്യുതി വിതരണ സംവിധാനത്തിന് കനത്ത നാശനഷ്ടമാണുണ്ടായിട്ടുള്ളത്. വൈദ്യുതി അപകടങ്ങളുടെ എണ്ണത്തിലും വര്ദ്ധന ഉണ്ടായിട്ടുണ്ട്. കഴിഞ്ഞ ദിവസം മാത്രം വിവിധയിടങ്ങളിലായി മൂന്ന് പേര് വൈദ്യുതാഘാതമേറ്റ് മരണപ്പെട്ടു. വൈദ്യുതി അപകടം ഒഴിവാക്കാന് പൊതുജനങ്ങള് തികഞ്ഞ ജാഗ്രത പുലര്ത്തണം.
അതിരാവിലെ പത്ര വിതരണത്തിനും, റബ്ബർ ടാപ്പിംഗിനും, മറ്റ് ആവശ്യങ്ങള്ക്കും പുറത്തിറങ്ങുന്നവര് തികഞ്ഞ ജാഗ്രത പുലർത്തണം. രാത്രികാലങ്ങളിൽ മരം വീണും മറ്റും വൈദ്യുത കമ്പികൾ പാതയോരത്തും വെള്ളക്കെട്ടുകളിലും പൊട്ടിക്കിടക്കാൻ സാധ്യതയുണ്ട്.
പൊട്ടിക്കിടക്കുന്ന വൈദ്യുതകമ്പിയില് മാത്രമല്ല സമീപത്തും വൈദ്യുതപ്രവാഹമുണ്ടാകാൻ സാധ്യതയുള്ളതിനാൽ യാതൊരു കാരണവശാലും സമീപത്തേക്ക് പോകരുത്, ആരേയും പോകാന് അനുവദിക്കുകയും അരുത്.
കെ എസ് ഇ ബി ജീവനക്കാര് എത്തുന്നതുവരെ മറ്റുള്ളവര് അപകടത്തില്പ്പെടാതിരിക്കുവാന് വേണ്ട ജാഗ്രത പാലിക്കണം. പൊട്ടിയ ലൈന് വെള്ളത്തില് കിടക്കുകയാണെങ്കില് ആ വെള്ളത്തില് സ്പര്ശിക്കരുത്.
advertisement
ഷോക്കേറ്റാല്
ആര്ക്കെങ്കിലും വൈദ്യുതാഘാതമേറ്റാൽ അയാളുടെ ശരീരത്തില് നേരിട്ട് സ്പര്ശിക്കാതെ ഉണങ്ങിയ കമ്പോ, വൈദ്യതി കടത്തിവിടാത്ത മറ്റെന്തെങ്കിലും വസ്തുവോകൊണ്ട് ഷോക്കേറ്റ ആളിനെ ലൈനില് നിന്നും മാറ്റുകയും പ്രഥമ ശുശ്രൂഷ നല്കി എത്രയും പെട്ടെന്ന് തൊട്ടടുത്തുള്ള ആശുപത്രിയില് എത്തിക്കുകയും ചെയ്യേണ്ടതാണ്.
ശ്രദ്ധയിൽപ്പെട്ടാൽ
വൈദ്യുതി ലൈനുകൾ അപകടകരമായി ശ്രദ്ധയിൽപ്പെട്ടാൽ ഉടൻ സമീപത്തെ കെ എസ് ഇ ബി ഓഫീസിലോ 94 96 01 01 01 എന്ന എമര്ജന്സി നമ്പരിലോ അറിയിക്കണം. ഈ നമ്പര് എമര്ജന്സി ആവശ്യങ്ങള്ക്ക് മാത്രമുള്ളതാണ്.
advertisement
കെ.എസ്.ഇ.ബി.യുടെ 24/7 ടോള് ഫ്രീ നമ്പരായ 1912-ല് വിളിച്ചോ, 9496001912 എന്ന നമ്പരില് കോള് / വാട്സ്ആപ് മുഖേനയോ വൈദ്യുതി തടസ്സം സംബന്ധിച്ച പരാതി അറിയിക്കാവുന്നതാണ്.
പ്രകൃതി ദുരന്തം വരുത്തിയ പ്രതിബന്ധങ്ങള് വകവെയ്ക്കാതെ കെ.എസ്.ഇ.ബി. ജീവനക്കാര് യുദ്ധകാലടിസ്ഥാനത്തില് വൈദ്യുതി പുന:സ്ഥാപിക്കാനുള്ള ശ്രമം നടത്തി വരുന്നു. ദുര്ഘടമായ സാഹചര്യം മനസ്സിലാക്കി ഉപഭോക്താക്കള് സഹകരിക്കണമെന്ന് കെ.എസ്.ഇ.ബി. അഭ്യര്ത്ഥിച്ചു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Jul 28, 2025 4:53 PM IST
മലയാളം വാർത്തകൾ/ വാർത്ത/Kerala/
വൈദ്യുതാഘാതമേറ്റ് മരണം കൂടുന്നു; അതിരാവിലെ പുറത്തിറങ്ങുന്നവര് തികഞ്ഞ ജാഗ്രത പുലർത്തണമെന്ന് കെ എസ് ഇ ബി
