സുഹൃത്തിനോടൊപ്പം കുളത്തിൽ നീന്താനിറങ്ങിയ കെഎസ്ആർടിസി ഡ്രൈവർ മുങ്ങിമരിച്ചു

ഇരുവരും ഒന്നിച്ചാണ് നീന്താനിറങ്ങിയത്. എന്നാൽ സുഹൃത്ത് കരയിൽ എത്തിയിട്ടും യുവാവ് തിരിച്ചുകയറിയിരുന്നില്ല. ഏറെ നേരം കഴിഞ്ഞിട്ടും ശ്രീജിത്തിനെ കാണാതായതോടെ നാട്ടുകാർ തിരിച്ചിൽ ആരംഭിക്കുകയായിരുന്നു. നാട്ടുകാരും കണ്ണൂരിൽ നിന്നെത്തിയ അഗ്നിരക്ഷാസേനയും സംയുക്തമായി ചേർന്നാണ് യുവാവിനെ കുളത്തിൽ നിന്ന് പുറത്തെടുത്തത്. ഉടൻ തന്നെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. വളപട്ടണം പോലീസ് ആശുപത്രിയിലെത്തി യുവാവിന്റെ മൃതദേഹം കണ്ണൂർ ജില്ലാ ആശുപത്രി മോർച്ചറിയിലേക്ക് മാറ്റി.