സ്വിഫ്റ്റ് സൂപ്പർ ഫാസ്‌റ്റ് എ സി ആകുന്നു: ആദ്യ ബസ് അടുത്തയാഴ്ച എത്തും

നേരിട്ട് എഞ്ചിനുമായി ബന്ധമില്ലതെ ഓൾട്ടർ‌നേറ്ററുമായി ഘടിപ്പിച്ച 4 ബാറ്ററി ഉപയോ​ഗിച്ച് പ്രവർത്തിക്കുന്ന ഹൈബ്രിഡ് എസി സംവിധാനമാണ് ഇതിനായി ചെയ്യുന്നത്. ചാലക്കുടി വെള്ളാഞ്ചിറയിലെ ഹെവി കൂൾ എന്ന കമ്പനിയിലാണ് ഇത് ചെയ്യുന്നത്. വാഹനം സ്റ്റാർട്ട് ചെയ്യാതെയും എസി പ്രവർത്തിപ്പിക്കാനുള്ള സംവിധാനമാണ് ഇതിനായി ഒരുക്കുന്നത്.

ഒരു ബസിൽ എ സി വയ്ക്കുന്നതിനായി 6 ലക്ഷം രൂപയ്ക്കടുത്താണ് ചെലവ് വരുന്നത്. എസി വയ്ക്കുന്നതിനായി ബസിന്റെ ഉൾഭാ​ഗം പൂർണമായും പുതുതായി പ്ലൈവുഡ്, മാറ്റ് എന്നിവ ഉപയോഗിച്ച് ‌നിർമ്മിക്കും. എയർ ഡക്ട് എല്ലാ സീറ്റുകളിലെയും യാത്രക്കാർക്ക് തണുപ്പ് ലഭിക്കാവുന്ന തരത്തിലാകും ക്രമീകരിക്കുന്നത്.

മുമ്പ് ട്രക്കുകളിൽ നടപ്പാക്കി വിജയിച്ചതിന്റെ അനുഭവവുമായാണു ഹെവി കൂൾ കമ്പനി കെഎസ്ആർടിസി ബസിൽ പരിഷ്കാരം വരുത്തിയിരിക്കുന്നത്.