സംസ്ഥാനത്ത് മദ്യവിൽപ്പന കൂടി; രണ്ടര ശതമാനത്തോളം വർധനവ്

തിരുവനന്തപുരം: സംസ്ഥാനത്ത് മദ്യവിൽപ്പനയിൽ വർദ്ധനവ്. കേരളത്തിലെ മദ്യവിൽപ്പനിയിൽ രണ്ടര ശതമാനം കൂടിയെന്ന് എക്സൈസ് മന്ത്രി എം ബി രാജേഷ്. ഇതിലൂടെ സർക്കാരിന് 340 കോടിയുടെ നികുതി വിർധനയുണ്ടായെന്നും മന്ത്രി വാർത്താ സമ്മേളനത്തിലൂടെ അറിയിച്ചു. അതേസമയം, സംസ്ഥാനത്തെ കള്ളുഷാപ്പുകൾക്ക് സ്റ്റാർ പദവി നൽകുന്നത് ഉൾപ്പടെയുള്ള നിർദേശങ്ങൾ അടങ്ങിയ പുതിയ മദ്യനയത്തിന് മന്ത്രിസഭ അംഗീകാരം നൽകി. ബാർ ലൈസൻസിന് വേണ്ടിയുള്ള ഫീസ് കൂട്ടിയിട്ടുണ്ട്. ബാർ ലൈസൻസ് ഫീസ് നിരക്ക് അഞ്ച് ലക്ഷം രൂപയാണ് വർദ്ധിപ്പിച്ചത്. നിലവിൽ 30 ലക്ഷം രൂപയാണ് ബാർ ലൈസൻസിന് വേണ്ടിയുള്ള ഫീസ്.