Panakkad Sayed Hyderali Shihab Thangal|'നഷ്ടമായത് ഞങ്ങളുടെ തണൽമരം'; ഹൈദരലി ശിഹാബ് തങ്ങളെ അനുസ്മരിച്ച് എംകെ മുനീർ
- Published by:Naseeba TC
- news18-malayalam
Last Updated:
വിശ്രമമില്ലാത്ത ജീവിതമായിരുന്നു ഹൈദരലി ശിഹാബ് തങ്ങളുടെതെന്നും എം കെ മുനീർ
കോഴിക്കോട്: അന്തരിച്ച മുസ്ലിംലീഗ് സംസ്ഥാന പ്രസിഡന്റ് പാണക്കാട് ഹൈദരലി ശിഹാബ് തങ്ങളെ (Panakkad Sayed Hyderali Shihab Thangal) അനുസ്മരിച്ച് എം കെ മുനീർ എം എൽ എ(MK Muneer). നഷ്ടമായത് ഞങ്ങളുടെ തണൽമരമാണെന്ന് മുനീർ പ്രതികരിച്ചു. വിശ്രമമില്ലാത്ത ജീവിതമായിരുന്നു ഹൈദരലി ശിഹാബ് തങ്ങളുടെതെന്നും എം കെ മുനീർ കോഴിക്കോട് പറഞ്ഞു.
ഇന്ന് ഉച്ചയോടെയാണ് പാണക്കാട് ഹൈദരലി ശിഹാബ് തങ്ങളുടെ വിയോഗ വാർത്ത എത്തുന്നത്. അസുഖ ബാധിതനായി അങ്കമാലിയിലെ സ്വകാര്യ ആസ്പത്രിയില് ചികിത്സയിലായിരുന്നു. പാണക്കാട് ജുമാ മസ്ജിദ് ഖബർസ്ഥാനിൽ നാളെ രാവിലെ 9 മണിക്കാണ് ഖബറടക്കം.
മുസ്ലിംലീഗ് ഉന്നതാധികാര സമതി അംഗം, രാഷ്ട്രീയ കാര്യ സമിതി ചെയര്മാന് എന്നീ പദവികള് വഹിക്കുന്നു. ഇതോടൊപ്പം സമസ്ത കേരള ജംഇയ്യത്തുല് ഉലമ വൈസ് പ്രസിഡണ്ട്, സുന്നി യുവജന സംഘം സംസ്ഥാന പ്രസിഡണ്ട്, തുടങ്ങിയ സ്ഥാനങ്ങളും വഹിക്കുന്നു.
advertisement
പുതിയ മാളിയേക്കല് സയ്യിദ് അഹമ്മദ് (പി.എം.എസ്.എ) പൂക്കോയ തങ്ങളുടെയും സയ്യിദത്ത് ആയിശ ചെറുകുഞ്ഞിബീവിയുടെയും മൂന്നാമത്തെ മകനായി 1947 ജൂണ് 15 നാണ് ഹൈദരലി തങ്ങള് ജനിച്ചത്. പാണക്കാട് ദേവധാര് എല്.പി സ്കൂളില് പ്രാഥമിക പഠനം.
പിന്നീട് കോഴിക്കോട് എം.എം ഹൈസ്കൂളില് വെച്ച് 1959 ല് എസ്.എസ്.എല്.സി പഠനം പൂര്ത്തിയാക്കി. തുടര്ന്ന് തിരുന്നാവായക്കടുത്ത കോന്നല്ലൂരില് മൂന്ന് വര്ഷം ദര്സ് പഠനം നടത്തി. പിന്നീട് പൊന്നാനി മഊനത്തുല് ഇസ്ലാം അറബി കോളജിലും അല്പകാലം പഠിച്ചു. പട്ടിക്കാട് ജാമിഅഃ നൂരിയ്യഃ അറബിക്കോളേജില് ചേര്ന്ന തങ്ങള് 1974 ല് മൗലവി ഫാസില് ഫൈസി ബിരുദം കരസ്ഥമാക്കി. സൂഫിവര്യനായ ചാപ്പനങ്ങാടി ബാപ്പു മുസ്ലിയാരുടെ കൈകളില് നിന്നായിരുന്നു സനദ് ഏറ്റുവാങ്ങി.
advertisement
മര്ഹൂം ശംസുല് ഉലമ ഇ.കെ അബൂബക്കര് മുസ്ലിയാര്, കോട്ടുമല അബൂബക്കര് മുസ്ലിയാര്, കെ.സി ജമാലുദ്ധീന് മുസ്ലിയാര്, തുടങ്ങിയ പ്രമുഖരാണ് ജാമിഅയിലെ ഉസ്താദുമാര്. 1973 ല് സമസ്തയുടെ വിദ്യാര്ത്ഥി സംഘടന രൂപീകരിച്ചപ്പോള് തങ്ങളായിരുന്നു പ്രഥമ പ്രസിഡന്റ്. തന്റെ സഹപാഠിയും ഇപ്പോള് ചെമ്മാട് ദാറുല് ഹുദാ യൂണിവേഴ്സിറ്റി വി.സി.യുമായ ബഹാഉദ്ദീന് മുഹമ്മദ് നദ്വി ജനറല് സെക്രട്ടറിയുമായിരുന്നു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
March 06, 2022 1:25 PM IST
മലയാളം വാർത്തകൾ/ വാർത്ത/Kerala/
Panakkad Sayed Hyderali Shihab Thangal|'നഷ്ടമായത് ഞങ്ങളുടെ തണൽമരം'; ഹൈദരലി ശിഹാബ് തങ്ങളെ അനുസ്മരിച്ച് എംകെ മുനീർ
