Nipah Virus | കോഴിക്കോട് കൂടുതല് കണ്ടെയിന്മെന്റ് സോണുകള് പ്രഖ്യാപിച്ചു
- Published by:Sarika KP
- news18-malayalam
Last Updated:
കോഴിക്കോട് ജില്ലയില് ആള്ക്കൂട്ട നിയന്ത്രണം ഏര്പ്പെടുത്താന് സര്ക്കാര് നിര്ദേശം നല്കിയിട്ടുണ്ട്
കോഴിക്കോട്: ഒരാള്ക്ക് കൂടി നിപ വൈറസ് സ്ഥരീകരിച്ച സാഹചര്യത്തിൽ ജില്ലയില് കൂടുതല് കണ്ടെയിന്മെന്റ് സോണുകള് പ്രഖ്യാപിച്ചു. ഇതോടെ നാല് പഞ്ചായത്തുകളിലെ 11 വാർഡുകൾ കൂടി കണ്ടെയിൻമെന്റ് സോണായി പ്രഖ്യാപിച്ചു. കായക്കൊടി ഗ്രാമപഞ്ചായത്തിലെ 10,11,12,13 വാര്ഡുകളും ചങ്ങരോത്ത് പഞ്ചായത്തിലെ 1,2,19 വാര്ഡുകളും തിരുവള്ളൂരിലെ 7,8,9 വാര്ഡുകളും പുറമേരിയിലെ വാര്ഡ് നാലിലെ തണ്ണിര്പ്പന്തല് ടൗണ് ഉള്പ്പെട്ട പ്രദേശവുമാണ് പുതിയതായി കണ്ടെയിന്മെന്റ് സോണായി പ്രഖ്യാപിച്ചത്. 7 പഞ്ചായത്തുകൾക്ക് പുറമയാണിത്.
കോഴിക്കോട് ഇന്നും ഒരാൾക്ക് നിപ സ്ഥരീകരിച്ചു. ഇതോടെ സംസ്ഥാനത്ത് സ്ഥിരീകരിക്കുന്ന അഞ്ചാമത്തെ നിപ പോസിറ്റീവ് കേസാണിത്. മൂന്ന് പേരാണ് നിലവില് ചികിത്സയിലുള്ളത്. ഇതിനു പുറമെ രോഗബാധയുടെ പശ്ചാത്തലത്തില് കോഴിക്കോട് ജില്ലയില് ആള്ക്കൂട്ട നിയന്ത്രണം ഏര്പ്പെടുത്താന് സര്ക്കാര് നിര്ദേശം നല്കി. മുന്കരുതലിന്റെ ഭാഗമായി ഈ മാസം 24 വരെ വലിയ ഒഴിവാക്കണമെന്ന് ആരോഗ്യമന്ത്രി വീണാ ജോര്ജ് ആവശ്യപ്പെട്ടു. മുഖ്യമന്ത്രി പിണറായി വിജയന്റെ നേതൃത്വത്തിൽ ചേര്ന്ന ഉന്നതതല യോഗത്തിലാണ് ഇതുസംബന്ധിച്ച തീരുമാനമെടുത്തത്. വിഷയത്തില് അന്തിമ തീരുമാനമെടുക്കാൻ ജില്ലാ കലക്ടറെ യോഗം ചുമതലപ്പെടുത്തിയിട്ടുണ്ട്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode,Kozhikode,Kerala
First Published :
Sep 13, 2023 10:13 PM IST
മലയാളം വാർത്തകൾ/ വാർത്ത/Kerala/
Nipah Virus | കോഴിക്കോട് കൂടുതല് കണ്ടെയിന്മെന്റ് സോണുകള് പ്രഖ്യാപിച്ചു
