വാഗമണിലെ ലഹരിമരുന്ന് പാർട്ടി; ഇടുക്കിയിൽ കൂടുതൽ പാർട്ടികൾ ആസൂത്രണം ചെയ്തിരുന്നതായി റിപ്പോർട്ട്

വാഗമൺ ലഹരിമരുന്ന് പാർട്ടിയുടെ അന്വേഷണം എക്സൈസ് സംഘം  ഊർജ്ജിതമാക്കിയിരുന്നു. തുടർന്നാണ് ഇടുക്കിയിലെ പല മേഖലകളിലും നിശാപാർട്ടികൾ അസൂത്രണം ചെയ്തിരിക്കുന്ന  വിവരം ലഭിച്ചിരിക്കുന്നത്. ഒറ്റപെട്ട റിസോർട്ടുകളാണ് ലഹരി പാർട്ടികൾക്കായി സംഘം  തെരെഞ്ഞെടുക്കുക. അതിനാൽ ഇത്തരം റിസോർട്ടുകൾ കേന്ദ്രികരിച്ച് പരിശോധന കർശനമാക്കാനാണ് എക്സൈസ് സംഘത്തിന്റെ തീരുമാനം.

പ്രധാനമായും ഇടുക്കി  പീരുമേട്, ഉടുമ്പഞ്ചോല, മൂന്നാർ മേഖലകളിൽ എക്സൈസ് വിഭാഗം പരിശോധനകൾ ശക്തമാക്കിയിരിക്കുന്നത്. വാഗമണിലെ നിശാപാർട്ടിയിൽ നിന്നും എൽ എസ് ഡി , എംഡിഎംഎ ഉൾപ്പടെയുള്ള മാരക ലഹരിവസ്തുക്കൾ പിടികൂടിയിരുന്നു. 9 പേരാണ് ഈ കേസിൽ അറസ്റ്റിലായത്. ഇവരെ കൂടുതൽ ചോദ്യം ചെയ്യുന്നതിനും തെളിവെടുപ്പിനായി പോലീസ് ഇന്ന് കസ്റ്റഡിയിൽ വാങ്ങും.