കേന്ദ്രം കുനിയാന് പറഞ്ഞാല് മുഖ്യമന്ത്രി ഇഴയും: മുല്ലപ്പള്ളി
Last Updated:
തിരുവനന്തപുരം: ഉദ്ഘാടനം ചെയ്യുംമുന്പേ കണ്ണൂര് വിമാനത്താവളത്തില് ഇരങ്ങാന് ബി.ജെ.പി ദേശീയ അധ്യക്ഷന് അമിത് ഷായ്ക്ക് സൗകര്യമൊരുക്കിയത് മുഖ്യമന്ത്രി പിണറായി വിജയനാണെന്ന് കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രന്.
സി.ബി.ഐ അന്വേഷിക്കുന്ന ലാവ്ലിന് കേസ് ഉപയോഗിച്ചാണ് ബി.ജെ.പിയും കേന്ദ്രസര്ക്കാരും പിണറായിയെ ബ്ലാക്ക് മെയില് ചെയ്യുന്നത്.
മുഖ്യമന്ത്രി അധികാരമേറ്റനാള് തൊട്ട് പ്രധാനമന്ത്രി നരേന്ദ്ര മോദിയെ സ്തുതിക്കുന്നത് ഇതിന്റെ ഭാഗമാണ്. കേന്ദ്രം കുനിയാന് പറഞ്ഞാല് ഇഴയുന്ന മുഖ്യമന്ത്രിയാണ് ഇന്നു കേരളം ഭരിക്കുന്നതെന്നു മുല്ലപ്പള്ളി പറഞ്ഞു.
അമിത് ഷാ കണ്ണൂരില് വന്ന് ഇടതുസര്ക്കാരിനെതിരേ ഭീഷണിയും വെല്ലുവിളിയും മുഴക്കുകയാണ് ചെയ്തത്. ഇടതുസര്ക്കാര് സമ്പൂര്ണ പരാജയമാണെങ്കിലും അതിനെ പിരിച്ചുവിടുമെന്ന ബിജെപിയുടെ ഭീഷണി കേരളത്തില് വിലപ്പോകില്ല.
advertisement
ഉമ്മന് ചാണ്ടി സര്ക്കാര് 99 ശതമാനവും പൂര്ത്തിയാക്കിയ കണ്ണൂര് വിമാനത്താവളത്തിന്റെ നിര്മാണ പ്രവര്ത്തനങ്ങള് ഇടതുസര്ക്കാര് അധികാരമേറ്റശേഷം ഇഴയുകയായിരുന്നു. കണ്ണൂര് വിമാനത്താവളം തുറക്കാന് ഇത്രയും വൈകിയതിന് ഇടതു സര്ക്കാര് ജനങ്ങളോടു മറുപടി പറയേണ്ടി വരും. വിമാനത്താവളത്തിന്റെ പേരില് ഇടതു സര്ക്കാരിന് അഭിമാനിക്കാന് ഒന്നുമില്ലെന്ന് മുല്ലപ്പള്ളി ചൂണ്ടിക്കാട്ടി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Oct 28, 2018 4:28 PM IST
