ഇതൊക്കെ ട്രംപ് അറിയുന്നുണ്ടോ? കാഞ്ഞിരപ്പള്ളിയിൽ ഒരുമാസം മുൻപേ ഡോണൾഡ് ട്രംപിനായി നൊവേന നടന്നു

അമേരിക്കയുടെ 47-ാമത് പ്രസിഡന്റായി വിജയിച്ചിരിക്കുകയാണ് ഡോണൾഡ് ട്രംപ്. ഡെമോക്രാറ്റിക് സ്ഥാനാര്‍ത്ഥിയും ഇന്ത്യൻ വംശജയുമായ കമല ഹാരിസിനെ പരാജയപ്പെടുത്തിയാണ് രണ്ടാം തവണ ട്രംപ് അമേരിക്കയുടെ പ്രസിഡന്റ് പദത്തിലെത്തുന്നത്. ഇന്ത്യയിലും ഒട്ടേറെ പേർ ട്രംപിന്റെ വിജയം ആഗ്രഹിച്ചിരുന്നുവെന്നാണ് സമൂഹ മാധ്യമങ്ങളിലെ പ്രതികരണങ്ങളിൽ നിന്ന് വ്യക്തമാകുന്നത്. ഫലം വരുന്നതിന് മുൻപ് ഡോണൾഡ് ട്രംപിന്റെ വിജയത്തിനായി ഡൽഹിയിലെ ക്ഷേത്രത്തിൽ പ്രാർത്ഥന നടന്നുവെന്ന റിപ്പോർട്ടുകൾ വന്നിരുന്നു. ഇപ്പോൾ കേരളത്തിലും ട്രംപിനായി പ്രത്യേക പ്രാർത്ഥന നടന്നുവെന്ന വിവരമാണ് പുറത്തുവരുന്നത്.