'സെക്രട്ടേറിയറ്റില്‍ കച്ചവടമായതിനാല്‍ സുരക്ഷ വ്യവസായസേനയെ ഏല്‍പിക്കുന്നത് നല്ലതാണ്'; പരിഹാസവുമായി രമേശ് ചെന്നിത്തല

തിരുവനന്തപുരം: സെക്രട്ടേറിയറ്റിന്റെ സുരക്ഷ വ്യവസായ സേനയെ ഏൽപ്പിച്ച സർക്കാർ നടപടിയെ പരിഹസിച്ച് പ്രതിപക്ഷ നേതാവ് രമേശ് ചെന്നിത്തല. ഭരണസിരാകേന്ദ്രമായ സെക്രട്ടേറിയറ്റില്‍ നടക്കുന്നത് കച്ചവടമായതിനാല്‍, വ്യവസായ സേനയെ സുരക്ഷ ഏല്‍പിക്കുന്നത് നല്ലതാണെന്നായിരുന്നു ചെന്നിത്തലയുടെ പരിഹാസം. സ്വര്‍ണക്കടത്തില്‍ ഉള്‍പ്പെടെ ആരോപണവിധേയരായ മുഖ്യമന്ത്രിയും മന്ത്രിമാരും രാജിവയ്ക്കണമെന്ന് ആവശ്യപ്പെട്ട് യുഡിഎഫ് നടത്തുന്ന വഞ്ചനാസമരം സെക്രട്ടേറിയറ്റിന് മുന്നിൽ ഉദ്ഘാടനം ചെയ്തു പ്രസംഗിക്കുകയായിരുന്നു ചെന്നിത്തല.