Hate Slogan | ആലപ്പുഴയിലെ വിദ്വേഷ മുദ്രാവാക്യം; പോപ്പുലര് ഫ്രണ്ട് സംസ്ഥാന കമ്മിറ്റി അംഗം യഹിയ തങ്ങള് അറസ്റ്റില്
- Published by:Jayesh Krishnan
- news18-malayalam
Last Updated:
ആലപ്പുഴയില് നടന്ന പോപ്പുലര് ഫ്രണ്ട് സമ്മേളനത്തിന്റെ ചെയര്മാനായിരുന്നു യഹിയ തങ്ങള്.
ആലപ്പുഴ: പോപ്പുലര് ഫ്രണ്ട്(Popular Front) റാലിയ്ക്കിടെ വിദ്വേഷ മുദ്രാവാക്യം(Hate Slogan) വിളിച്ച കേസില് പോപ്പുലര് ഫ്രണ്ട് സംസ്ഥാന കമ്മിറ്റി അംഗം യഹിയ തങ്ങള് അറസ്റ്റില്(Arrest). തൃശൂര് കുന്നംകുളത്ത് വച്ചാണ് ആലപ്പുഴ പൊലീസ്(Police) അറസ്റ്റ് ചെയ്തത്. പ്രകടനത്തില് വിദ്വേഷ മുദ്യ്രവാക്യം ഉയര്ന്നതിന്റെ പേരിലാണ് പോലീസ് ഇയാളെ അറസ്റ്റ് ചെയ്തത്.
ആലപ്പുഴയില് നടന്ന പോപ്പുലര് ഫ്രണ്ട് സമ്മേളനത്തിന്റെ ചെയര്മാനായിരുന്നു യഹിയ തങ്ങള്. റാലിയില് കുട്ടിയുടെ വിവാദ മുദ്രാവാക്യം വിളിയില് ശക്തമായ നടപടി വേണമെന്നും റാലി നടത്തിയ സംഘാടകര്ക്കെതിരെ നടപടി വേണമെന്നും ഹൈക്കോടതി കഴിഞ്ഞദിവസം നിര്ദ്ദേശിച്ചിരുന്നു.
അതേസമയം വിദ്വേഷ മുദ്രാവാക്യം കേസില് കുട്ടിയുടെ അച്ഛന് ഉള്പ്പെടെ നാലു പേരെ അറസ്റ്റ് രേഖപ്പെടുത്തി. ഇവരെ ഇന്ന് കോടതിയില് ഹാജരാക്കും. കുട്ടിയുടെ പിതാവ് അഷ്കര്, പോപ്പുലര് ഫ്രണ്ട് ഓഫ് ഇന്ത്യ പള്ളുരുത്തി ഡിവിഷന് ഭാരവാഹികളായ ഷമീര്, സുധീര്, മരട് ഡിവിഷന് സെക്രട്ടറി നിയാസ് എന്നിവരുടെ അറസ്റ്റാണ് രേഖപ്പെടുത്തിയത്.
advertisement
വിദ്വേഷ മുദ്രാവാക്യം വിളിയില് പൊലീസ് കേസെടുത്തതിന് പിന്നാലെ ഒളിവിലായിരുന്ന കുട്ടിയും കുടുംബവും ശനിയാഴ്ച രാവിലെയാണ് കൊച്ചി പള്ളുരുത്തിയിലെ വീട്ടില് തിരിച്ചെത്തിയത്. ഇതിനുപിന്നാലെ വീട്ടിലെത്തി കുട്ടിയുടെ അച്ഛനെ പൊലീസ് കസ്റ്റഡിയിലെടുത്തിരുന്നു.
advertisement
സ്വയം വിളിച്ചതാണെന്നും ആരും തന്ന മുദ്രാവാക്യമല്ലെന്നുമാണ് കുട്ടി പറഞ്ഞിരുന്നത്. എന്.ആര്.സി.യുമായി ബന്ധപ്പെട്ട പ്രതിഷേധ പരിപാടിക്ക് പോയപ്പോളാണ് മുദ്രാവാക്യം കേട്ടതെന്നും ഇത് മനഃപാഠമാക്കുകയാണ് ചെയ്തതെന്നും കുട്ടി പറഞ്ഞു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 29, 2022 11:11 AM IST
മലയാളം വാർത്തകൾ/ വാർത്ത/Kerala/
Hate Slogan | ആലപ്പുഴയിലെ വിദ്വേഷ മുദ്രാവാക്യം; പോപ്പുലര് ഫ്രണ്ട് സംസ്ഥാന കമ്മിറ്റി അംഗം യഹിയ തങ്ങള് അറസ്റ്റില്
