Attack on Youtuber വിജയ് പി.നായരെ ആക്രമിച്ച സംഭവം: ഭാഗ്യലക്ഷ്മിയുടെ ജാമ്യാപേക്ഷ എതിര്ത്ത് പ്രോസിക്യൂഷന്
- Published by:user_49
Last Updated:
ജാമ്യം നല്കുന്നത് നിയമം കയ്യിലെടുക്കുന്നതിനു പ്രതികള്ക്ക് പ്രചോദനമാകുമെന്നു ചൂണ്ടികാണിച്ചാണ് ജാമ്യാപേക്ഷയെ പ്രോസിക്യൂഷന് എതിര്ത്തത്
തിരുവനന്തപുരം: യൂട്യൂബർ വിജയ് പി.നായരെ അക്രമിച്ച സംഭവത്തില് ഡബിങ് ആര്ട്ടിസ്റ്റ് ഭാഗ്യലക്ഷ്മി അടക്കമുള്ളവരുടെ ജാമ്യാപേക്ഷയെ എതിര്ത്ത് പ്രോസിക്യൂഷന്. ജാമ്യം നല്കുന്നത് നിയമം കയ്യിലെടുക്കുന്നതിനു പ്രതികള്ക്ക് പ്രചോദനമാകുമെന്നു ചൂണ്ടികാണിച്ചാണ് ജാമ്യാപേക്ഷയെ പ്രോസിക്യൂഷന് എതിര്ത്തത്.
സ്ത്രീകളെ അപമാനിച്ചു കൊണ്ടുള്ള വീഡിയോ ചിത്രീകരിച്ച് സാമൂഹ്യമാധ്യമങ്ങളില് പ്രചരിപ്പിച്ച വിജയ് പി.നായരെ കൈയേറ്റം ചെയ്തതായിരുന്നു കേസിനാസ്പദമായ സംഭവം. അധിക്ഷേപകരവും അശ്ലീലകരവുമായ വിഡിയോ പോസ്റ്റ് ചെയ്ത വിജയ് പി. നായരെ ഭാഗ്യലക്ഷ്മി, ദിയ സന, ശ്രീലക്ഷ്മി അറക്കല് എന്നിവര് ചേര്ന്ന് മര്ദിച്ചിരുന്നു. ഫേസ്ബുക്കില് ലൈവ് ഇട്ടായിരുന്നു മര്ദനം നടത്തിയത്.
advertisement
ഭാഗ്യലക്ഷ്മിക്കു പുറമേ ആക്ടിവിസ്റ്റുകളായ ദിയ സന, ശ്രീലക്ഷ്മി അറക്കല് എന്നിവരുടെ ജാമ്യാപേക്ഷയും പ്രോസിക്യൂഷന് എതിര്ത്തു. ജാമ്യാപേക്ഷയില് തിരുവനന്തപുരം ജില്ലാ കോടതി വെള്ളിയാഴ്ച വിധി പറയും.
വിജയ് പി.നായര് നല്കിയ പരാതിയില് ഭാഗ്യലക്ഷ്മി, ദിയ സന, ശ്രീലക്ഷ്മി എന്നിവര്ക്കെതിരെ ജാമ്യമില്ലാ വകുപ്പ് പ്രകാരം പൊലീസ് കേസെടുത്തിരുന്നു. അതിക്രമിച്ചു കടക്കല്, ഭീഷണി, കൈയ്യേറ്റം ചെയ്യല്, മോഷണം എന്നീ വകുപ്പുകള് ചേര്ത്താണ് കേസ്. അഞ്ചു വര്ഷം തടവു ലഭിക്കാവുന്ന കുറ്റങ്ങളാണ് ഇവര്ക്കെതിരെ ചുമത്തിയിരിക്കുന്നത്.
advertisement
അതേസമയം, സ്ത്രീകളെ അപകീര്ത്തിപ്പെടുത്തുന്ന തരത്തില് വീഡിയോ ചെയ്ത് സാമൂഹ്യമാധ്യമങ്ങളിലൂടെ പ്രചരിപ്പിച്ച വിജയ് പി.നായരെ നേരത്തെ അറസ്റ്റ് ചെയ്തിരുന്നു. വിജയ് പി.നായര് ഇപ്പോള് റിമാന്ഡിലാണ്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Oct 07, 2020 6:36 PM IST
മലയാളം വാർത്തകൾ/ വാർത്ത/Kerala/
Attack on Youtuber വിജയ് പി.നായരെ ആക്രമിച്ച സംഭവം: ഭാഗ്യലക്ഷ്മിയുടെ ജാമ്യാപേക്ഷ എതിര്ത്ത് പ്രോസിക്യൂഷന്
