ശബരിമല നട ഇന്ന് തുറക്കും; മൂന്ന് ദിവസം സന്നിധാനത്ത് ഓണസദ്യ
- Published by:Rajesh V
- news18-malayalam
Last Updated:
ഉത്രാടം, തിരുവോണം, അവിട്ടം ദിനങ്ങളില് സന്നിധാനത്ത് ഓണസദ്യ ഉണ്ടായിരിക്കും
തിരുവനന്തപുരം: ഓണത്തോട് അനുബന്ധിച്ച പൂജകള്ക്കായി ശബരിമല നട ബുധനാഴ്ച തുറക്കും. വൈകിട്ട് 5 മണിക്ക് തന്ത്രി കണ്ഠരര് മഹേഷ് മോഹനരുടെ സാന്നിധ്യത്തില് മേല്ശാന്തി അരുണ്കുമാര് നമ്പൂതിരി നടതുറന്ന് ദീപം തെളിയിക്കും. ഉത്രാട ദിനമായ സെപ്റ്റംബര് 4ന് രാവിലെ അഞ്ചുമണിക്ക് ദര്ശനത്തിനായി നടതുറക്കും.
ഇതും വായിക്കുക: ആഗോള അയ്യപ്പ സംഗമം കൊണ്ട് സാധാരണ ഭക്തര്ക്ക് എന്തു ഗുണം? കേസുകൾ പിൻവലിക്കണം: പന്തളം കൊട്ടാരം
ഉത്രാടം, തിരുവോണം, അവിട്ടം ദിനങ്ങളില് സന്നിധാനത്ത് ഓണസദ്യ ഉണ്ടായിരിക്കും. ഉത്രാട സദ്യ മേല്ശാന്തിയുടെ വകയായും തിരുവോണത്തിന് സദ്യ ദേവസ്വം ജീവനക്കാരുടെ വകയായും അവിട്ടം ദിനത്തില് സന്നിധാനത്ത് ഡ്യൂട്ടിയിലുള്ള പൊലീസ് ഉദ്യോഗസ്ഥരുടെ വകയായും നടത്തും. ഓണത്തോട് അനുബന്ധിച്ച പൂജകള് പൂര്ത്തിയാക്കി സെപ്റ്റംബര് 7ന് രാത്രി 9ന് നടയടയ്ക്കും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Pathanamthitta,Pathanamthitta,Kerala
First Published :
Sep 03, 2025 9:52 AM IST
