ഡി വൈ എസ് പിയുടെ മരണം: ദൈവത്തിന്‍റെ വിധി നടപ്പായെന്ന് സനലിന്‍റെ ഭാര്യ
Last Updated:
തിരുവനന്തപുരം: നെയ്യാറ്റിൻകര സനൽ കൊലപാതക കേസിൽ പ്രതിയായ ഡി വൈ എസ് പി ഹരികുമാറിന്‍റെ മരണം ദൈവത്തിന്‍റെ നീതിയെന്ന് കൊല്ലപ്പെട്ട സനൽ കുമാറിന്‍റെ ഭാര്യ വിജി. സനലിന്‍റെ കൊലപാതകത്തിൽ നീതി വൈകുന്നുവെന്ന് ആരോപിച്ച് ഭാര്യ വിജിയും കുടുംബാംഗങ്ങളും ഉപവാസ സമരം ആരംഭിച്ചിരുന്നു. ഇതിനിടയിലാണ് പ്രതിയായ ഡി വൈ എസ് പി ഹരികുമാറിന്‍റെ മരണവാർത്ത എത്തിയത്. ദൈവത്തിന്‍റെ വിധി നടപ്പായെന്ന് ആയിരുന്നു ഇതിനോട് സനൽകുമാറിന്‍റെ ഭാര്യ വിജിയുടെ പ്രതികണം. ഹരികുമാറിന്‍റെ മരണത്തെ തുടർന്ന് ഉപവാസ സമരം അവസാനിപ്പിച്ചു.
സനൽ അപകടത്തിൽ മരിച്ച സ്ഥലത്തായിരുന്നു വിജിയും കുടുംബാംഗങ്ങളും ഉപവാസമിരുന്നത്. സനലിന്‍റെ അച്ഛനും അമ്മയും സഹോദരിയും നാട്ടുകാരുമടക്കം നിരവധി പേര്‍ ഉപവാസത്തില്‍ പങ്കെടുക്കാൻ എത്തിയിരുന്നു. അധികാരികൾക്ക് മുന്നിലുള്ള പ്രാർത്ഥനയാണ് നടത്തുന്നതെന്നായിരുന്നു സനലിന്‍റെ ഭാര്യ വിജി പറഞ്ഞത്.
സനൽ കൊലപാതക കേസിൽ പ്രതിയായ ഡി വൈ എസ് പി ഹരികുമാറിനെ കല്ലമ്പലത്തെ വീട്ടിലായിരുന്നു മരിച്ച നിലയിൽ കണ്ടെത്തിയത്. തൂങ്ങിമരിച്ച നിലയിലായിരുന്നു. നെയ്യാറ്റിൻകരയിലെ സനലിന്‍റെ മരണം കൊലപാതകം തന്നെയെന്ന് ക്രൈംബ്രാഞ്ച് റിപ്പോർട്ട് വന്നിരുന്നു. ക്രൈംബ്രാഞ്ച് ഇന്ന് കോടതിയിൽ സമർപ്പിക്കാനിരിക്കുന്ന റിപ്പോർട്ടിലാണ് ഇക്കാര്യം വ്യക്തമാക്കിയിരുന്നത്. ഡിവൈഎസ്‍‍പി ഹരികുമാറിനെതിരെ കൊലക്കുറ്റം നിലനിൽക്കുമെന്ന് ക്രൈംബ്രാഞ്ച് റിപ്പോർട്ടിൽ പറഞ്ഞിരുന്നു. ഇതിനു പിന്നാലെയാണ് ഡി വൈ എസ് പിയുടെ ആത്മഹത്യ.
advertisement
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
November 13, 2018 11:07 AM IST
മലയാളം വാർത്തകൾ/ വാർത്ത/Kerala/
ഡി വൈ എസ് പിയുടെ മരണം: ദൈവത്തിന്‍റെ വിധി നടപ്പായെന്ന് സനലിന്‍റെ ഭാര്യ
