സിദ്ധാര്ത്ഥന്റെ മരണം; പ്രതികളായ 19 വിദ്യാര്ത്ഥികളെ പുറത്താക്കിയെന്ന് കേരള വെറ്ററിനറി സര്വകലാശാല
- Published by:Rajesh V
- news18-malayalam
Last Updated:
ഹൈക്കോടതിയിലാണ് വിദ്യാര്ത്ഥികള്ക്കെതിരായ നടപടിയെ കുറിച്ച് വെറ്ററിനറി സര്വകലാശാല അറിയിച്ചത്
കൊച്ചി: വയനാട് പൂക്കോട് വെറ്റിനറി കോളേജിലെ രണ്ടാം വർഷ വിദ്യാർത്ഥി സിദ്ധാർത്ഥന്റെ മരണത്തിൽ പ്രതികളായ 19 വിദ്യാര്ത്ഥികളെ കേരള വെറ്ററിനറി സര്വകലാശാല പുറത്താക്കി. ഹൈക്കോടതിയിലാണ് വിദ്യാര്ത്ഥികള്ക്കെതിരായ നടപടിയെ കുറിച്ച് വെറ്ററിനറി സര്വകലാശാല അറിയിച്ചത്. 19 വിദ്യാര്ത്ഥികള് കുറ്റക്കാരെന്ന് അന്വേഷണത്തില് കണ്ടെത്തിയെന്നും സര്വകലാശാല കോടതിയെ അറിയിച്ചു. സിദ്ധാര്ത്ഥന്റെ അമ്മ എം ആര് ഷീബ നല്കിയ ഹര്ജിയിലാണ് മറുപടി. 19 പേര്ക്ക് മറ്റ് ക്യാമ്പസുകളില് പ്രവേശനം നല്കിയത് ചോദ്യം ചെയ്തായിരുന്നു ഹര്ജി.
advertisement
2024 ഫെബ്രുവരി 18നാണ് സിദ്ധാര്ത്ഥൻ ജീവനൊടുക്കിയത്. തൂങ്ങിമരണമെന്ന് വിധിയെഴുതിയ കേസിൽ പിന്നീട് റാഗിങ്ങും ക്രൂരമർദനവും സംബന്ധിച്ച വിവരങ്ങളും പുറത്തുവന്നു. സമാനതകൾ ഇല്ലാത്ത ക്രൂരതയാണ് സിദ്ധാർത്ഥനെതിരെ നടന്നത്. കോളേജില് സഹപാഠികളും സീനിയര് വിദ്യാര്ത്ഥികളും ചേര്ന്ന് സിദ്ധാര്ത്ഥനെ പരസ്യവിചാരണ ചെയ്തു. ഹോസ്റ്റൽ മുറി, ഡോർമെറ്ററി, നടുമുറ്റം, സമീപത്തെ കുന്ന് എന്നിവിടങ്ങളിൽ വെച്ചായിരുന്നു സിദ്ധാർത്ഥനെതിരെ ക്രൂര മർദനം നടന്നത്. ദിവസങ്ങളോളം നീണ്ട ക്രൂര മർദനങ്ങള്ക്ക് ഒടുവിലാണ് ഹോസ്റ്റലില് സിദ്ധാര്ത്ഥനെ തൂങ്ങിമരിച്ച നിലയില് കണ്ടെത്തിയത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kochi [Cochin],Ernakulam,Kerala
First Published :
Apr 10, 2025 4:42 PM IST
മലയാളം വാർത്തകൾ/ വാർത്ത/Kerala/
സിദ്ധാര്ത്ഥന്റെ മരണം; പ്രതികളായ 19 വിദ്യാര്ത്ഥികളെ പുറത്താക്കിയെന്ന് കേരള വെറ്ററിനറി സര്വകലാശാല
