Swapna Suresh | മുഖ്യമന്ത്രിക്കെതിരായ മൊഴി പിന്വലിക്കണമെന്നാവശ്യപ്പെട്ട് ഷാജി കിരണ് ഭീഷണിപ്പെടുത്തിയതായി സ്വപ്നാ സുരേഷ്
- Published by:Arun krishna
- news18-malayalam
Last Updated:
മുഖ്യമന്ത്രിക്കെതിരായ മൊഴി പിന്വലിച്ചെങ്കില് പത്ത് വയസ്സുള്ള മകന് തനിച്ചാകുമെന്നാണ് ഭീഷണി. ഇന്ന് രാവിലെ പത്ത് മണിക്കകം മൊഴിമാറ്റാനാണ് ആവശ്യപ്പെട്ടത്
തിരുവനന്തപുരം: സ്വര്ണക്കടത്ത് കേസില് മുഖ്യമന്ത്രി പിണറായി വിജയനെതിരെ (Pinarayi Vijayan) നല്കിയ മൊഴി പിന്വലിക്കണമെന്നാവശ്യപ്പെട്ട് തനിക്ക് നേരെഭീഷണിയുണ്ടായാതായി കേസിലെ മുഖ്യപ്രതി സ്വപ്ന സുരേഷിന്റെ (Swapna Suresh) വെളിപ്പെടുത്തല്. മുഖ്യമന്ത്രിക്ക് വേണ്ടി ഷാജി കിരണ് എന്നായാളാണ് തന്നെ സമീപിച്ചതെന്ന് സ്വപ്ന പറയുന്നു. കെ.ടി.ജലീലിന്റെ പരാതിയിലെടുത്ത കേസില് മുന്കൂര് ജാമ്യത്തിനായി നല്കിയ ഹര്ജിയിലാണ് സ്വപ്ന സുരേഷ് ഇക്കാര്യം പുറത്തുവിട്ടത്.
ഷാജി തന്നോട് സംസാരിച്ചതിന്റെ ശബ്ദരേഖ തന്റെ പക്കലുണ്ടെന്ന് സ്വപ്ന വ്യക്തമാക്കുന്നു. മുഖ്യമന്ത്രിക്കെതിരായ മൊഴി പിന്വലിച്ചെങ്കില് പത്ത് വയസ്സുള്ള മകന് തനിച്ചാകുമെന്നാണ് ഭീഷണി. ഇന്ന് രാവിലെ പത്ത് മണിക്കകം മൊഴിമാറ്റാനാണ് ആവശ്യപ്പെട്ടത്.
യുപി രജിസ്ട്രേഷനിലുള്ള കാറിലാണ് ഷാജി കിരണ് വന്നത്. ആര്എസ്എസിന്റേയും ബിജെപിയുടേയും പ്രേരണയിലാണ് മുഖ്യമന്ത്രിക്കെതിരെ മൊഴി നല്കിയതെന്ന് പറയണം. അങ്ങനെ പറഞ്ഞുകൊണ്ടുള്ള വീഡിയോ സാമൂഹിക മാധ്യമങ്ങളില് പോസ്റ്റ് ചെയ്യണമെന്നും ഇയാള് ആവശ്യപ്പെട്ടതായി സ്വപ്ന പറയുന്നു. അങ്ങനെ ചെയ്തില്ലെങ്കില് ഗുരുതരമായ പ്രത്യാഘാതം നേരിടേണ്ടി വരും. ജയിലിലടക്കും, മകന് തനിച്ചാകും തുടങ്ങിയ കാര്യങ്ങളുയര്ത്തി ഭീഷിപ്പെടുത്തിയെന്നും സ്വപ്ന പറയുന്നു.
advertisement
Also Read- സ്വപ്നയുടെ വെളിപ്പെടുത്തലിന് പിന്നിൽ രാഷ്ട്രീയ ഗുഢാലോചന; മുഖ്യമന്ത്രിയെ തേജോവധം ചെയ്യാൻ നീക്കം: CPM
മുഖ്യമന്ത്രി പിണറായി വിജയനുമായും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനുമായും അടുത്ത ബന്ധം തനിക്കുണ്ട്. കെപി യോഹന്നാന്റെ ഒരു സംഘടനയുടെ ഡയറക്ടറായി പ്രവര്ത്തിക്കുന്നു. ഇവരുടെ വിദേശത്തുള്ള കാര്യങ്ങള് താനാണ് കൈകാര്യം ചെയ്യുന്നത്. തുടങ്ങിയ കാര്യങ്ങള് പറഞ്ഞാണ് ഷാജി കിരണ് പരിചയപ്പെടുത്തിയതെന്ന് സ്വപ്നയുടെ ഹര്ജിയില് പറയുന്നു.
advertisement
മുഖ്യമന്ത്രി പിണറായി വിജയന്, ഭാര്യ കമല, മകൾ വീണ, എം ശിവശങ്കർ, കെ ടി ജലീൽ അടക്കമുള്ളവർക്ക് നേരെ ചൊവ്വാഴ്ച നടത്തിയ വെളിപ്പെടുത്തലില് സ്വപ്നാ സുര്ഷേ ഉന്നയിച്ച ആരോപണങ്ങള്ക്കെതിരെ കെ.ടി.ജലീല് നല്കിയ പരാതിയില് സ്വപ്ന, പി.സി.ജോര്ജ് എന്നിവരെ ഒന്നും രണ്ടും പ്രതികളാക്കി പോലീസ് കേസെടുത്തിരുന്നു. ഈ കേസിലാണ് സ്വപ്ന മുന്കൂര് ജാമ്യം തേടുന്നത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 09, 2022 12:14 PM IST
മലയാളം വാർത്തകൾ/ വാർത്ത/Kerala/
Swapna Suresh | മുഖ്യമന്ത്രിക്കെതിരായ മൊഴി പിന്വലിക്കണമെന്നാവശ്യപ്പെട്ട് ഷാജി കിരണ് ഭീഷണിപ്പെടുത്തിയതായി സ്വപ്നാ സുരേഷ്
