'സുരേന്ദ്രൻ കേരളത്തിൽ ബിജെപിക്ക്‌ സംഭവിച്ച 'ഷൂ' ന്യത എന്ത്‌ കൊണ്ട്‌ എന്ന് പഠിക്കുക': ടി സിദ്ദിഖ്

കോൺഗ്രസിന്റെ രാഷ്ട്രീയ ദൗർബല്യത്തിന് ബി ജെ പിയെ കുറ്റപ്പെടുത്തിയിട്ട് കാര്യമില്ലെന്ന് ആയിരുന്നു വാർത്താസമ്മേളനത്തിൽ കെ സുരേന്ദ്രൻ പറഞ്ഞത്. വോട്ട് കച്ചവടം ഉണ്ടായത് കോൺഗ്രസും സി പി എമ്മും തമ്മിലായിരുന്നെന്നും വയനാട്ടിൽ ഉൾപ്പെടെ ഇടതു സ്ഥാനാർത്ഥിയുടെ തോൽവി ഇതിന് ഉദാഹരണമാണെന്നും ആയിരുന്നു സുരേന്ദ്രൻ പറഞ്ഞത്. ഇതാണ് സിദ്ദിഖിനെ ചൊടിപ്പിച്ചത്.

ഉത്തരേന്ത്യയിൽ പയറ്റുന്ന നമ്പറുകളുമായി കേരളത്തിൽ ഇറങ്ങിയാൽ അത്‌ ഇവിടെ വിജയിക്കില്ലെന്ന് ഈ തെരഞ്ഞെടുപ്പ്‌ ഒന്നുകൂടി തെളിയിച്ചിരിക്കുകയാണെന്ന് സിദ്ദിഖ് പറഞ്ഞു. അതിന്റെ കാരണം മോഡിജി പാലക്കാട്‌ പറഞ്ഞിട്ടുണ്ടെന്നും 'കേരളത്തിലെ ജനങ്ങൾ വിവേകമുള്ളവരും വിദ്യാഭ്യാസമുള്ളവരുമാണ്...' എന്നാണ് അതെന്നും സിദ്ദിഖ് കുറിച്ചു. എല്ലാ ജാതിമത വിഭാഗങ്ങൾ ഉൾക്കൊള്ളുന്ന വർഗ്ഗീയ തിമിരം ബാധിച്ചിട്ടില്ലാത്ത നല്ലവരായ കൽപ്പറ്റയിലെ വോട്ടർമാരാണു യു ഡി എഫിനെ വിജയിപ്പിച്ചതെന്നും സിദ്ദിഖ് പറഞ്ഞു‌.