ഇനി തമിഴ്നാടിന്റെ ഊഴം; അരിക്കൊമ്പനെ പൂട്ടാൻ മൂന്ന് കുങ്കിയാനകളും പാപ്പാന്മാരും നാളെ ഇറങ്ങും

രാവിലെ കമ്പം ടൗണില്‍ പരിഭ്രാന്തി പരത്തിയ ശേഷം ജനവാസ മേഖലയോട് ചേര്‍ന്നുള്ള പുളിമരതോപ്പില്‍ ആന നിലയുറപ്പിയ്ക്കുകയായിരുന്നു. മണിക്കൂറുകളോളം ഇവിടെ തുടര്‍ന്നു. ആന നിലയുറപ്പിച്ചിരുന്ന മേഖലയ്ക്ക് മുകളിലൂടെ യുട്യൂബര്‍ ഡ്രോൺ പറത്തിയ, ശബ്ദം കേട്ട് പരിഭ്രാന്തിയിലായ അരികൊമ്പന്‍ ഇവിടെ നിന്നും ഓടി. ഡ്രോൺ പറത്തിയ ആളെ തമിഴ്‌നാട് പോലിസ് അറസ്റ്റ് ചെയ്തു.

സമീപത്തെ റോഡിലൂടെയാണ് ആന കുതിച്ച് പാഞ്ഞത്. പിന്നീട്, കമ്പം സൗത്ത് മേഖലയില്‍ ബൈപ്പാസ് റോഡിന് ചേര്‍ന്ന് തെങ്ങിന്‍ തോപ്പും വാഴ കൃഷിയും ഉള്ള മേഖലയില്‍ ആന നിലയുറപ്പിയ്ക്കുകയായിരുന്നു. അരിക്കൊമ്പനെ ഈ മേഖലയില്‍ വെച്ച് മയക്കുവെടി വെച്ച് പിടികൂടാനാവുമെന്നാണ് പ്രതീക്ഷ.