കോട്ടൂർ ആയുർവേദാശുപത്രി ഇനി രാജ്യാന്തര നിലവാരത്തിൽ; 16 കോടിയുടെ വികസന പദ്ധതികൾ ഉദ്ഘാടനം ചെയ്തു

അരുവിക്കരയുടെ ആരോഗ്യഭൂപടത്തിൽ സുവർണ്ണലിപികളാൽ എഴുതപ്പെടേണ്ട ചരിത്രനിമിഷത്തിനാണ് കോട്ടൂർ സാക്ഷ്യം വഹിച്ചിരിക്കുന്നത്. മലയോര മേഖലയിലെ സാധാരണക്കാരുടെ ആശ്രയമായ കോട്ടൂർ സർക്കാർ ആയുർവേദാശുപത്രി ഇനി മുതൽ രാജ്യാന്തര നിലവാരത്തിലുള്ള ചികിത്സാ സൗകര്യങ്ങളോടെ ജനങ്ങൾക്ക് സേവനം നൽകും. ഒരു കോടി രൂപ ചെലവിൽ നിർമ്മിച്ച അത്യാധുനിക സൗകര്യങ്ങളോടു കൂടിയ പുതിയ ഒപി ബ്ലോക്കിൻ്റെയും, കിഫ്ബി ധനസഹായത്തോടെ 15 കോടി രൂപ ചെലവിൽ പൂർത്തിയാക്കിയ അൻപത് കിടക്കകളുള്ള മൾട്ടി ഇൻ്റഗ്രേറ്റഡ് ആശുപത്രി കെട്ടിടത്തിൻ്റെയും ഔദ്യോഗിക ഉദ്ഘാടനം ആരോഗ്യ വകുപ്പ് മന്ത്രി വീണാ ജോർജ്ജ് നിർവ്വഹിച്ചു.