കാട്ടാക്കട മെഗാ ജോബ് മേള: ഒറ്റ ദിവസം ജോലി ലഭിച്ചത് 433 പേർക്ക്

കാട്ടാക്കട എംഎൽഎ കൂടിയായ ഐ.ബി. സതീഷിൻ്റെ നേതൃത്വത്തിലുള്ള 'വിജ്ഞാന കേരളം' പദ്ധതിയുടെ ഭാഗമായാണ് ഈ മെഗാ തൊഴിൽമേള സംഘടിപ്പിച്ചത്. 68-ൽ അധികം മൾട്ടി നാഷണൽ കമ്പനികളും തദ്ദേശീയ കമ്പനികളുമാണ് മേളയിൽ പങ്കെടുത്തത്.

കാട്ടാക്കടയിലെ തൊഴിലന്വേഷകരായ യുവതി-യുവാക്കൾക്ക് അവരുടെ യോഗ്യതയ്ക്ക് അനുസരിച്ചുള്ള തൊഴിലുകൾ കണ്ടെത്തുന്നതിനായി ഇന്ത്യയിലെയും വിദേശത്തെയും പ്രമുഖ കമ്പനികളെ ഉൾപ്പെടുത്തിക്കൊണ്ട് ഇതിലും ബൃഹത്തായ ഒരു തൊഴിൽ മേള അടുത്ത ജനുവരിയിൽ സംഘടിപ്പിക്കാനാണ് സംഘാടകരുടെ അടുത്ത ലക്ഷ്യം. 'ഒന്നിച്ച് മുന്നേറാം' എന്ന മുദ്രാവാക്യമുയർത്തി കാട്ടാക്കടയിലെ യുവജനങ്ങൾക്ക് മികച്ച തൊഴിൽ സാധ്യതകൾ ഒരുക്കുന്നതിനുള്ള ശ്രമങ്ങൾ തുടരുമെന്നും അവർ അറിയിച്ചു.