'പത്താം ക്ലാസിൽ പഠിച്ച കുട്ടിയെ എട്ടാം ക്ലാസിൽ ഇരുത്താനാവില്ലല്ലോ'; ആര്യ രാജേന്ദ്രനെ മികച്ച സ്ഥാനങ്ങളിൽ കാണാനാവുമെന്ന് മന്ത്രി ശിവൻകുട്ടി

വരാൻപോകുന്ന തദ്ദേശസ്വയംഭരണ തെരഞ്ഞെടുപ്പിൽ തിരുവനന്തപുരം മുനിസിപ്പൽ കോർപറേഷൻ മേയർ ആര്യ രാജേന്ദ്രൻ മത്സരിക്കില്ല എന്ന് വ്യക്തമായിക്കഴിഞ്ഞു. സംസ്ഥാനത്തെ ഏറ്റവും പ്രായം കുറഞ്ഞ മേയർ എന്ന നിലയിലാണ് ആര്യ വാർത്തകളിൽ ഇടം നേടുന്നത്. അടുത്തതെന്ത് എന്ന ചോദ്യമുയരുമ്പോൾ, മന്ത്രി വി. ശിവൻകുട്ടിയുടെ പ്രതികരണം ശ്രദ്ധനേടുകയാണ്. 'പത്താം ക്ലാസിൽ പഠിച്ച കുട്ടിയെ എട്ടാം ക്ലാസിൽ ഇരുത്താനാകില്ലല്ലോ... മികച്ച സ്ഥാനങ്ങളിൽ ഇനിയും ആര്യയെ കാണാൻ കഴിയും,' എന്ന് മന്ത്രി.