Vande Bharat Mission | ദുബായ് വിമാനം കൊച്ചിയിലെത്തി; വിമാനത്തിൽ പിഞ്ചു കുഞ്ഞ് ഉൾപ്പടെ 178 പേർ
- Published by:Anuraj GR
- news18-malayalam
Last Updated:
Vande Bharat Mission | തൃശൂർ, എറണാകുളം, കോട്ടയം ജില്ലക്കാരാണ് വിമാനത്തിൽ ഉണ്ടായിരുന്ന യാത്രക്കാരിൽ ഭൂരിഭാഗവും
കൊച്ചി: ദുബായിൽനിന്ന് പ്രവാസികളുമായുള്ള വിമാനം നെടുമ്പാശേരിയിലെത്തി. രാത്രി 8.12നാണ് IX 434 വിമാനം ലാൻഡ് ചെയ്തത്. പിഞ്ച് കുഞ്ഞ് ഉൾപ്പടെ 178 പേരുമാണ് വിമാനത്തിൽ ഉണ്ടായിരുന്നത്. ഇതോടെ വന്ദേ ഭാരത് മിഷൻ പ്രകാരം വിദേശത്തുനിന്ന് തിരികെ കേരളത്തിൽ എത്തിച്ചവരുടെ എണ്ണം 1262 ആയി.
തൃശൂർ, എറണാകുളം, കോട്ടയം ജില്ലക്കാരാണ് വിമാനത്തിൽ ഉണ്ടായിരുന്നത്. തൃശൂരിൽനിന്നുള്ള 50 പേരും കോട്ടയത്തുനിന്നുള്ള 34 പേരും എറണാകുളം ജില്ലക്കാരായ 29 പേരുമാണ് വിമാനത്തിലുള്ളത്. ബാക്കിയുള്ളവർ മറ്റു ജില്ലക്കാരാണ്.
യാത്രക്കാരെ വിശദമായ പരിശോധനകൾക്കുശേഷമാകും പുറത്തെത്തിക്കുക. പരിശോധനയിൽ രോഗലക്ഷണങ്ങളില്ലാത്തവരെ കെ.എസ്.ആർ.ടി.സി ബസുകളിലും ടാക്സികളിലുമായി അതത് ജില്ലകളിലേക്കു കൊണ്ടുപോകും. രോഗലക്ഷണങ്ങളുള്ളവരെ ക്വാറന്റീൻ കേന്ദ്രങ്ങളിലേക്കു മാറ്റും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 11, 2020 9:18 PM IST
മലയാളം വാർത്തകൾ/ വാർത്ത/Kerala/
Vande Bharat Mission | ദുബായ് വിമാനം കൊച്ചിയിലെത്തി; വിമാനത്തിൽ പിഞ്ചു കുഞ്ഞ് ഉൾപ്പടെ 178 പേർ
