VD Satheesan| 'കണക്ക് ചോദിക്കാതെ ഒരു കാലവും കടന്ന് പോയിട്ടില്ല'; പഴയ കാര്യങ്ങൾ പിണറായിയെ ഓർമപ്പെടുത്തി വി ഡി സതീശൻ
- Published by:Rajesh V
- news18-malayalam
Last Updated:
ഉമ്മൻ ചാണ്ടി മുഖ്യമന്ത്രി ആയിരുന്ന കാലത്ത് പിണറായി വിജയൻ നടത്തിയ ചില പ്രസ്താവനകൾ ഉയർത്തിക്കാട്ടിയാണ് പ്രതികരണം.
തിരുവനന്തപുരം: സ്വർണക്കടത്ത് കേസ് പ്രതി സ്വപ്ന സുരേഷിന്റെ (Swapna Suresh) പുതിയ വെളിപ്പെടുത്തലിന് പിന്നാലെ മുഖ്യമന്ത്രി പിണറായി വിജയനെ (Pinarayi Vijayan) പഴയ കാര്യങ്ങൾ ഓർമിപ്പിച്ച് പ്രതിപക്ഷ നേതാവ് വി ഡി സതീശൻ (VD Satheesan). ഉമ്മൻ ചാണ്ടി മുഖ്യമന്ത്രി ആയിരുന്ന കാലത്ത് പിണറായി വിജയൻ നടത്തിയ ചില പ്രസ്താവനകൾ ഉയർത്തിക്കാട്ടിയാണ് പ്രതികരണം.
കണക്ക് ചോദിക്കാതെ ഒരു കാലവും കടന്ന് പോയിട്ടില്ലെന്ന് സതീശൻ പറഞ്ഞു. ഉമ്മന് ചാണ്ടിക്ക് ഒരു നീതി, പിണറായി വിജയന് മറ്റൊരു നീതി എന്നത് ഇവിടെ നടക്കില്ല. ഇനിയെങ്കിലും പിണറായിക്ക് രാജിവയ്ക്കാനുള്ള ബുദ്ധി തെളിയുമെന്നാണ് കരുതുന്നതെന്നും പിണറായി വിജയന്റെ വാക്കുകൾ ഉദ്ധരിച്ച് സതീശൻ കുറിച്ചു. സോളാർ സമരകാലത്ത് ഉമ്മൻചാണ്ടിക്കെതിരെ പിണറായി വിജയൻ നടത്തിയ പരാമർശങ്ങളുടെ സ്ക്രീൻഷോട്ട് സഹിതമാണ് സതീശന്റെ പോസ്റ്റ്.
വി ഡി സതീശന്റെ കുറിപ്പ്
ക്രിമിനല് കേസ് പ്രതിയായ ബിജു രാധാകൃഷ്ണന് അഞ്ചരകോടി രൂപ കോഴ നല്കിയെന്ന മൊഴിയോടെ അന്നത്തെ മുഖ്യമന്ത്രിയായിരുന്ന ഉമ്മന് ചാണ്ടിക്ക് രക്ഷപ്പെടാന് ഒരു പഴുതും ഇല്ലാതായെന്ന് 2015 ഡിസംബര് രണ്ടിന് ഫെയ്സ്ബുക്കില് പോസ്റ്റിട്ട സിപിഎം സംസ്ഥാന സെക്രട്ടറിയാണ് ഇന്ന് മുഖ്യമന്ത്രി കസേരയില് ഇരിക്കുന്നത്. കേസില് ഉള്പ്പെട്ട വനിതയെ വിളിച്ച് വരുത്തി പരാതി എഴുതി വാങ്ങി ഉമ്മന് ചാണ്ടിക്കെതിരെ സിബിഐ അന്വേഷണത്തിന് ശുപാര്ശ ചെയ്ത മുഖ്യമന്ത്രിയാണ് പിണറായി വിജയന്.
advertisement
എന്നാലിപ്പോള് സ്വര്ണക്കടത്ത്, ഡോളര് കടത്ത് കേസുകളില് പ്രതിസ്ഥാനത്ത് നില്ക്കുന്ന സ്വപ്ന സുരേഷാണ് മുഖ്യമന്ത്രി പിണറായി വിജയന് ഉള്പ്പെടെയുള്ളവര്ക്കെതിരെ അതീവ ഗുരുതരമായ ആരോപണങ്ങള് ഉന്നയിച്ചിരിക്കുന്നതും കോടതിയില് രഹസ്യമൊഴി നല്കിയതും. ഇതേക്കുറിച്ച് നീതിയുക്തമായ അന്വേഷണം നടക്കട്ടെയെന്ന് പ്രഖ്യാപിച്ച് മുഖ്യമന്ത്രി സ്ഥാനത്ത് നിന്നും മാറി നില്ക്കുന്നതിന് പകരം അന്വേഷണം അട്ടിമറിച്ചും തെളിവുകള് നശിപ്പിച്ചും പണം ഒഴുക്കിയും പൊലീസിനെ ഉപയോഗിച്ച് നഗ്നമായ അധികാര ദുര്വിനിയോഗത്തിലൂടെയും രക്ഷപ്പെടാനുള്ള ശ്രമമാണ് പിണറായി വിജയന് നടത്തുന്നത്.
advertisement
Also Read- സ്വപ്നയുടെ വെളിപ്പെടുത്തലിന് പിന്നിൽ രാഷ്ട്രീയ ഗുഢാലോചന; മുഖ്യമന്ത്രിയെ തേജോവധം ചെയ്യാൻ നീക്കം: CPM
പിണറായി പണ്ട് പറഞ്ഞതു പോലെ, 'ഈ തട്ടിപ്പില് മുഖ്യമന്ത്രി ഒന്നാം പ്രതിയാണ് എന്ന് തുടക്കം മുതല് തെളിവുകള് നിരത്തി പ്രതിപക്ഷം പറയുന്നതാണ്. അന്വേഷണം അട്ടിമറിച്ചും തെളിവുകള് നശിപ്പിച്ചും പണം ഒഴുക്കി സാക്ഷികളെ സ്വാധീനിച്ചും നഗ്നമായ അധികാര ദുര്വിനിയോഗത്തിലൂടെയും രക്ഷപ്പെടാന് ശ്രമിച്ച മുഖ്യമന്ത്രിയുടെ തനിനിറം കൂട്ടുപ്രതിയുടെ വെളിപ്പെടുത്തലിലൂടെ മറനീക്കി പുറത്തു വന്നിരിക്കുന്നു.' ഉമ്മന് ചാണ്ടിക്ക് ഒരു നീതി, പിണറായി വിജയന് മറ്റൊരു നീതി എന്നത് ഇവിടെ നടക്കില്ല. ഇനിയെങ്കിലും പിണറായിക്ക് രാജിവയ്ക്കാനുള്ള ബുദ്ധി തെളിയുമെന്നാണ് കരുതുന്നത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 09, 2022 1:42 PM IST
മലയാളം വാർത്തകൾ/ വാർത്ത/Kerala/
VD Satheesan| 'കണക്ക് ചോദിക്കാതെ ഒരു കാലവും കടന്ന് പോയിട്ടില്ല'; പഴയ കാര്യങ്ങൾ പിണറായിയെ ഓർമപ്പെടുത്തി വി ഡി സതീശൻ
