ബാലഭാസ്കർ... പുറത്തുവരുന്നത് ആശ്വാസം പകരുന്ന വാർത്തകൾ

കഴിഞ്ഞ ഒരു ദിവസമായി നാട് മുഴുവൻ മനമുരുകി നടത്തുന്ന പ്രാർത്ഥനകൾക്ക് ഫലം കണ്ടു തുടങ്ങിയിരിക്കുന്നു. ആശ്വാസം പകരുന്ന വാർത്തകളാണ് സംഗീതജ്ഞൻ ബാലഭാസ്കറിനെയും ഭാര്യ ലക്ഷ്മിയെയും പറ്റി പുറത്തു വരുന്നത്. ശസ്ത്രക്രിയകൾക്ക് വിധേയരായ ഇരുവരും നേരിയ തോതിൽ പ്രതികരിച്ചു തുടങ്ങിയതായാണ് സുഹൃത്തുക്കൾ നൽകുന്ന വിവരം. തൽക്കാലം ഡോക്ടർമാരും നഴ്സുമാരും മാത്രമാണ് ഇവർക്കരികെ എത്തുന്നത്. ബാലഭാസ്കർ അടുത്ത 78 മണിക്കൂർ കൂടി നിരീക്ഷണത്തിലാണ്. 13 ദിവസം തീവ്ര പരിചരണത്തിൽ കഴിഞ്ഞേ മതിയാവൂ. ഭാര്യ ലക്ഷ്മിക്കിതു മൂന്നു ദിവസമാണ്.