'സത്യം തെളിയുക തന്നെ ചെയ്യും, കാത്തിരിക്കണമെന്നുമാത്രം' 15 ലക്ഷത്തില്‍ നിലപാട് മാറ്റിയ ടോം വടക്കന് നന്ദി പറഞ്ഞ് വിവി രാജേഷ്

ഈ വീഡിയോ പങ്കുവെച്ച് കൊണ്ടാണ് രാജേഷ് ടം വടക്കന് നന്ദി പറയുന്നത്. 'കിട്ടിയ അവസരത്തില്‍ മുന്‍പ് സംഭവിച്ച പിഴവ് തിരുത്താന്‍ തയ്യാറായ വടക്കന്‍ജിയുടെ വലിയ മനസിന് നന്ദി. സത്യം പുറത്തു വരാന്‍ ചിലപ്പോഴൊക്കെ സമയമെടുക്കും, അതുവരെ നമ്മള്‍ കാത്തിരിക്കണം' രാജേഷ് പോസ്റ്റില്‍ പറയുന്നു.

'സത്യം തെളിയുക തന്നെ ചെയ്യും, കുറച്ചു കാത്തിരിക്കണമെന്നുമാത്രം. ഉദ്ദേശം 4 വര്‍ഷങ്ങള്‍ക്ക് മുന്‍പ് റിപ്പോര്‍ട്ടര്‍ ചാനലില്‍ നികേഷ് നയിച്ച ഒരു ചര്‍ച്ചയില്‍ പങ്കെടുത്തു. കോണ്‍ഗ്രസ്സ് പ്രതിനിധിയായി ദേശീയ നേതവ് ശ്രീ ടോം വടക്കനായിരുന്നു. വിഷയം ബ്ലാക്ക് മണിയില്‍ മോദി ജി 2014 തെരഞ്ഞെടുപ്പിന് മുമ്പ് നടത്തിയ പ്രസംഗം,' ഇന്ത്യയില്‍ നിന്ന് വിദേശത്ത് നിക്ഷേപിച്ചിട്ടുള്ള കള്ളപ്പണം മുഴുവനും തിരികെ കൊണ്ട് വരാന്‍ കഴിഞ്ഞാല്‍ ഓരോരുത്തര്‍ക്കും15 ലക്ഷം രൂപ വീതം കിട്ടുവാനുള്ള വകയുണ്ടാകും' ഇതായിരുന്നു തര്‍ക്കവിഷയം.

അന്ന് തിരുവനന്തപുരം സ്റ്റുഡിയോയിലെ sound system കുറച്ചു തകരാറിലായിരുന്നതിനാല്‍ നികേഷും, മറ്റുള്ളവരും പറഞ്ഞത് എനിക്ക് പൂര്‍ണ്ണമായും കേള്‍ക്കാനും കഴിഞ്ഞില്ല, പിറ്റേദിവസം രാവിലെ മുതല്‍ social media യിലും മറ്റും ഞാന്‍ പറഞ്ഞത് തെറ്റാണെന്നും, കോണ്‍ഗ്രസ്സിന് മുന്നില്‍ പതറിപ്പോയി എന്നും പ്രചാരണം ആരംഭിച്ചു, ചിലതൊക്കെ ഇപ്പോഴും തുടരുന്നു, എന്നാല്‍ ശ്രീ വടക്കജി ബിജെപി യില്‍ എത്തിയ ശേഷം ചലം െ24x7 ന് നല്കിയ ഒരു interview ല്‍ തെറ്റ് പറ്റിയത് അദ്ദേഹത്തിനാണെന്നും രാജേഷ് പറഞ്ഞതായിരുന്നു ശരിയെന്നും സമ്മതിച്ചതായിക്കണ്ടു, 15 തവണ മോദിജിയുടെ പ്രസംഗം കേട്ടശേഷമാണ് അദ്ദേഹം ഇത് പറയുന്നത് എന്ന് ആവര്‍ത്തിക്കുന്നുണ്ട്.