ഉദ്ധാരണ പ്രശ്നങ്ങൾക്ക് പരിഹാരമായി 'കളരിസൂത്ര'യുമായി ബോളിവുഡ് നടൻ; വീഡിയോ വൈറൽ

ലൈംഗിക ബോധവത്കരണത്തിനായുള്ള വീഡിയോ ആണ് താരം പങ്കുവെച്ചിരിക്കുന്നത്. ഉദ്ധാരണ പ്രശ്നങ്ങൾക്ക് പരിഹാരമായി ചില വ്യായാമങ്ങളാണ് നടൻ പങ്കുവെച്ചിരിക്കുന്നത്. പത്ത് പുരുഷന്മാരിൽ ഒരാളെങ്കിലും ഉദ്ധാരണ പ്രശ്നങ്ങൾ നേരിടുന്നുണ്ടെന്ന് താരം പറയുന്നു.

താൻ പരിചയപ്പെടുത്തുന്ന കളരിസൂത്ര എന്ന വ്യായാമത്തിലൂടെ ലൈംഗിക ആരോഗ്യം മെച്ചപ്പെടുത്താമെന്ന് താരം പറയുന്നു. 19 വ്യായാമ മുറകളാണ് കളരിസൂത്രയിലുള്ളത്. ദിവസേന ഈ വ്യായാമം ചെയ്താൽ രക്തപ്രവാഹം ഉത്തേജിപ്പിക്കാനും ലൈംഗിക ഊർ‌ജം നേടിയെടുക്കാനും സാധിക്കും.

കളരി സൂത്രയുടെ 19 വ്യായാമ മുറകൾ തന്റെ ചാനലിലൂടെ വിദ്യുത് പങ്കുവെച്ചിട്ടുണ്ട്. ലൈംഗിക ആരോഗ്യം പോലുള്ള വിഷയത്തിൽ തുറന്നു സംസാരിക്കാനും ലൈംഗികതയെക്കുറിച്ച് ശാരീരികവും വൈകാരികവും മാനസികവുമായ ബോധവത്കരണവും അത്യാവശ്യമാണെന്ന് താരം പറയുന്നു.

ഒടിടി പ്ലാറ്റ്ഫോമുകളിലും സജീവമാണ് താരം.