Yoga Day 2023: കൊച്ചിയില്‍ INS വിക്രാന്തിൽ യോഗചെയ്ത് പ്രതിരോധമന്ത്രി രാജ്നാഥ് സിങ്; തിരുവനന്തപുരത്ത് മന്ത്രി വീണാ ജോർജ്; അന്താരാഷ്ട്ര യോഗാദിനം

ന്യൂഡല്‍ഹി/കൊച്ചി/തിരുവനന്തപുരം: അന്താരാഷ്ട്ര യോഗാദിനത്തോടനുബന്ധിച്ച് രാജ്യത്തിനകത്തും പുറത്തും വിപുലമായ ആഘോഷച്ചടങ്ങുകളാണ് ഒരുക്കയിട്ടുള്ളത്. മധ്യപ്രദേശിലെ ജബല്‍പുരില്‍ ഉപരാഷ്ട്രപതി ജഗ്ദീപ് ധന്‍കറിന്റെ നേതൃത്വത്തില്‍ 15,000 പേര്‍ അണിനിരന്നുള്ള യോഗാഭ്യാസങ്ങളാണ് നടക്കുന്നത്. രാജ്യത്ത് ഇന്നുനടക്കുന്ന ഏറ്റവും വലിയ ചടങ്ങുകളിലൊന്നാണിത്. പ്രധാനമന്ത്രി നരേന്ദ്ര മോദി യു.എന്‍. ആസ്ഥാനത്തെ ചടങ്ങുകളില്‍ യോഗാ ദിനത്തിന് നേതൃത്വം നല്‍കും. ഇന്ത്യൻ സമയം വൈകിട്ട് 5.30ന് നടക്കുന്ന പരിപാടിയിലാണ് പ്രധാനമന്ത്രി പങ്കെടുക്കുക.