Rabindranath Tagore Jayanti 2021 | മഹാനായ ടാഗോറിന്റെ ചില മഹത് വചനങ്ങൾ

ജീവിതത്തിലെ ഏറ്റവും വലിയ ലക്ഷ്യത്തെക്കുറിച്ച് മാത്രമാണ് നമ്മുടെ ചിന്തയെങ്കിൽ ആ യാത്രയിലുടനീളം ഉണ്ടാകുന്ന ചെറിയ ചെറിയ സന്തോഷങ്ങൾ നമ്മൾ കണ്ടെന്ന് വരില്ല. അത്തരം മനോഭാവം വിജയത്തിന് വേണ്ടിയുള്ള അതിയായ ദാഹത്തിന് കാരണമാകും, ജീവിതമാകട്ടെ പ്രതീക്ഷയോ ആനന്ദമോ ഒക്കെ നഷ്ടപ്പെട്ട് തീർത്തും വിരസമായി മാറുകയും ചെയ്യും.

മനുഷ്യൻ, ജീവിതം, ദൈവം എന്നിവയെക്കുറിച്ചുള്ള തത്വചിന്ത കൂടി നിറഞ്ഞതാണ് ടാഗോറിന്റെ ചിന്തകൾ. പ്രകൃതിയുമായി തികവുറ്റ ബന്ധം നിലനിർത്തിക്കൊണ്ടുള്ള ജീവിതത്തിന്റെ വക്താവായിരുന്നു അദ്ദേഹം. മഴയുടെയും കാറ്റിന്റെയുമൊക്കെ സ്രോതസ് മാത്രമായാണ് നമ്മളിൽ പലരും മേഘങ്ങളെ കാണുന്നതെങ്കിൽ ടാഗോറിന് അതിന്റെ സൗന്ദര്യത്തെ കാണാനാകുന്നു.

മരണഭീതി ലോകത്തെ മനുഷ്യരെല്ലാവരും പങ്കിടുന്ന പൊതുവായ ഒരു വികാരമാണ്. നമ്മളെ നമ്മുടെ ശരീരമായി മാത്രം തിരിച്ചറിയുകയും ഈ ലൗകികമായ അസ്തിത്വം അനന്തകാലത്തേക്ക് നിലനിൽക്കണമെന്ന് നമ്മൾ ആഗ്രഹിക്കുകയും ചെയ്യുന്നു. എന്നാൽ, ടാഗോറിന്റെ ഈ വചനം മരണശേഷമുള്ള ജീവിതത്തെക്കുറിച്ച് നമുക്ക് പുതിയൊരു ഉൾക്കാഴ്ച നൽകുന്ന ഒന്നാണ്. മരണശേഷം ജീവിതം പുതിയൊരു അനുഭവമായി കാത്തിരിക്കുന്നുണ്ടാവാം. ഒരു മഹത്തായ ലോകത്തേക്ക് മരണം വാതിൽ തുറക്കുകയാണെന്ന സങ്കൽപ്പമാണ് അദ്ദേഹം പങ്കു വെയ്ക്കുന്നത്.

അറിവ് സമുദ്രത്തോളം വലുതാണെന്നും നമ്മൾ അതിൽ നിന്നുള്ള ഒരു തുള്ളി മാത്രമേ അറിഞ്ഞിട്ടുള്ളൂ എന്നുമുള്ള ബോധ്യമാണ് ജ്ഞാനത്തിന്റെ അന്തഃസത്ത. ഈ ലോകത്തെ മഹത്തായ മനുഷ്യരെല്ലാം വിനയാന്വിതരും ലാളിത്യം ഉള്ളവരുമായിരുന്നു. അറിവുള്ള മനുഷ്യരുടെ ഏറ്റവും പ്രധാനപ്പെട്ട ഗുണങ്ങളിലൊന്ന് അവരുടെ വിനയമാണ്. എത്രത്തോളം നേട്ടങ്ങളോ വിജയങ്ങളോ കൈവരിച്ചവരാണെങ്കിലും വിനയം ഒരു സ്വഭാവഗുണമായി വളർത്തിയെടുക്കേണ്ടതിന്റെ പ്രാധാന്യത്തെക്കുറിച്ചാണ് ടാഗോർ ഇവിടെ സംസാരിക്കുന്നത്.