Easter 2023 | എന്നാണ് ഈസ്റ്റര്‍? ഓരോ വർഷവും ഈസ്റ്റര്‍ തീയതി മാറുന്നത് എന്തുകൊണ്ട്?

ഈ വര്‍ഷത്തെ ഈസ്റ്റര്‍ ഏപ്രില്‍ 9നാണ് ആഘോഷിക്കപ്പെടുന്നത്. എന്നാല്‍ ക്രിസ്തീയ വിശ്വാസികളുടെ ഈ ആഘോഷ ദിനത്തിന്റെതീയതി എല്ലാ വര്‍ഷവും മാറിക്കൊണ്ടിരിക്കും. എന്തുകൊണ്ടെന്ന് നോക്കാം.

പാസ്‌കല്‍ ഫുള്‍ മൂണിന്റെ അടിസ്ഥാനത്തിലാണ് തീയതി നിശ്ചയിക്കുന്നത്. വെര്‍ണല്‍ ഈക്വിനോക്‌സിന് ശേഷം ആരംഭിക്കുന്ന ഈ ആഘോഷം ഉത്തരധ്രുവത്തില്‍ വസന്തത്തിന്റെ ആരംഭമായിരിക്കും.

Also Read- സുരക്ഷിതമായി എങ്ങനെ മലകയറാം? ഇടയ്ക്ക് വെച്ച് മടങ്ങേണ്ടി വന്നാൽ എന്ത് ചെയ്യണം?

ഈസ്റ്റര്‍ ആണ് പ്രധാന ആഘോഷ ദിനം. എന്നാൽ ഈ ആഘോഷത്തിന് മുമ്പ് നിരവധി പ്രധാനആഘോഷ ദിനങ്ങളുമുണ്ട്. വിഭൂതി ദിനത്തോടെയാണ് ആഘോഷങ്ങള്‍ ആരംഭിക്കുന്നത്. ഈസ്റ്ററിന് ആറര ആഴ്ച മുമ്പാണ് ഇതാരംഭിക്കുന്നത്.

പുരോഹിതന്‍മാര്‍ വിശ്വാസികളുടെ നെറ്റിയില്‍ ചാരം തൊടുവിക്കുന്നതും ഈ ദിവസമാണ്. നുറ്റാണ്ടുകളായി ആചരിക്കുന്ന ആചാരമാണിത്. ഈ ദിനം മുതലാണ് നോമ്പ് ആരംഭിക്കുന്നത്. മാംസഭക്ഷണം, മദ്യം എന്നിങ്ങനെ പലതും ആളുകൾ ഈ സമയം ഉപേക്ഷിക്കാറുണ്ട്. പാപങ്ങള്‍ കഴുകി മോക്ഷത്തിനായുള്ള പ്രാര്‍ത്ഥനകളാണ് ഈ ചടങ്ങിലൂടെ ഉദ്ദേശിക്കുന്നത്.

ഒരു ഹോളി വീക്ക് ആയിട്ടാണ് ഈസ്റ്റർ ആഘോഷിക്കുന്നത്. ഓശാന ഞായറാഴ്ചയോടെയാണ് ഇതാരംഭിക്കുന്നത്. ഏപ്രില്‍ രണ്ടിനാണ് ഈ ആഘോഷം ആരംഭിച്ചത്. ക്രിസ്തുവിന്റെ ജെറുസലേമിലേക്കുള്ള വരവാണ് ഈ ദിവസം കൊണ്ട് ഉദ്ദേശിക്കുന്നത്. ഹോളി വെനസ്‌ഡേ എന്നത് ക്രിസ്തുവിനെ ഒറ്റിയ യൂദാസിന്റെ പ്രവൃത്തി അനുസ്മരിക്കുന്നു. ഇതിന് ശേഷമാണ് പെസഹ വ്യാഴം. ക്രിസ്തു തന്റെ ശിഷ്യന്‍മാരൊടൊത്തിരുന്ന് അന്ത്യ അത്താഴം കഴിച്ച ദിവസമായിട്ടാണ് ഈ ദിവസം ആചരിക്കുന്നത്. അതിന് പിറ്റേന്ന് ദു:ഖ വെള്ളി. ക്രിസ്തുവിന്റെ കുരിശ് മരണമാണ് ഈ ദിവസം പ്രതിനിധാനം ചെയ്യുന്നത്. അതിനുശേഷം വരുന്ന ഞായറാഴ്ചയാണ് ഈസ്റ്റർ.