Menopause| ആർത്തവ വിരാമത്തിലൂടെ കടന്നുപോകുന്ന സ്ത്രീകൾ മതിയായ ഉറക്കം ലഭിക്കാൻ ശ്രദ്ധിക്കേണ്ട കാര്യങ്ങൾ

നല്ല തണുപ്പുള്ള കിടപ്പുമുറി ഉറങ്ങാനായി സജ്ജീകരിക്കുക എന്നത് വളരെ പ്രധാനമാണ്. നല്ല ഉറക്കത്തിന് ഏറ്റവും അനുയോജ്യമായ താപനില 16-18 ഡിഗ്രി സെന്റിഗ്രേഡ് ആണ്. രാത്രിയിൽ മുറിയുടെ ജനാല തുറന്നിടുന്നതും മുറിയിൽ തണുപ്പ് നിലനിർത്താൻ സഹായിക്കും.

നിങ്ങളുടെ മനസ്സിന് ഒരു കാര്യം വിശ്വസിക്കാൻ കഴിയുമെങ്കിൽ നിങ്ങളുടെ ശരീരത്തിനും അത് സാധിക്കും. ശരീരത്തെ തണുപ്പിക്കാൻ ഐസ്-വാട്ടർ സെൽഫ് ഹിപ്നോട്ടിക് പരിശീലനം പരീക്ഷിക്കുക. ഇത് ആദ്യമായി ചെയ്യുന്നവർ ഒരു പാത്രം ഐസ് അല്ലെങ്കിൽ തണുത്ത വെള്ളം എടുത്ത് നിങ്ങളുടെ കൈ അതിൽ മുക്കി വയ്ക്കുക. ദീർഘമായി ശ്വാസം എടുത്ത് സ്വയം 10 ​​മുതൽ 1 വരെ എണ്ണുക. തുടർന്ന്, നിങ്ങളുടെ കൈകളിലെ തണുപ്പ് മുകളിലേക്കും ശരീരത്തിലുടനീളവും സഞ്ചരിക്കുന്നതായി മനസ്സിൽ സങ്കൽപ്പിക്കുക. നിങ്ങൾ ഈ പരിശീലനത്തിൽ വൈദഗ്ദ്ധ്യം നേടിയാൽ, തണുത്ത വെള്ളം ഇല്ലാതെ തന്നെ നിങ്ങൾക്ക് ഇത് ചെയ്യാൻ കഴിയും. നിങ്ങൾക്ക് ചൂട് അനുഭവപ്പെടാൻ തുടങ്ങുമ്പോഴോ ഉറങ്ങുന്നതിന് തൊട്ടു മുമ്പോ ഈ രീതി പരിശീലിക്കാവുന്നതാണ്.

പകലും രാത്രിയിലും സിന്തറ്റിക് വസ്ത്രങ്ങൾ ധരിക്കുന്നത് ഒഴിവാക്കുക. കാരണം അവ ശരീരത്തിൽ ചൂട് വർദ്ധിപ്പിക്കുകയും വിയർക്കാനും കാരണമാകും. സിൽക്ക്, കോട്ടൺ എന്നിവ ധരിക്കുന്നത് ചൂട് കുറയ്ക്കാൻ സഹായിക്കും. നിങ്ങളുടെ ശരീരത്തിന് ചൂട് തോന്നാന്ന തരത്തിലുള്ള പൈജാമകൾ ധരിക്കുക. ലിനൻ, സിൽക്ക്, കോട്ടൺ എന്നിവ ശരീരത്തിനെ തണുപ്പിക്കാൻ സഹായിക്കുന്നു.

ഹോർമോൺ റീപ്ലേസ്‌മെന്റ് തെറാപ്പി (HRT) ഇപ്പോൾ വളരെ സാധാരണമായ ഒരു ചികിത്സാ രീതിയാണ്. എന്നാൽ ചില ഡോക്ടർമാർ ഹോർമോൺ മാറ്റങ്ങളുടെ പ്രാരംഭ ഘട്ടത്തിൽ ഇത് നിർദ്ദേശിക്കുന്നില്ല.

ആർത്തവ വിരാമ ലക്ഷണങ്ങൾ കൈകാര്യം ചെയ്യുന്നനിന് കോഗ്നിറ്റീവ് ബിഹേവിയറൽ തെറാപ്പി വളരെ ഫലപ്രദമാണെന്ന് ഗവേഷണങ്ങൾ വ്യക്തമാക്കുന്നു. ജീവിത ശൈലീ മാറ്റങ്ങളെയും ഉറക്കമില്ലായ്മയെയും നേരിടാൻ ഇത് സഹായിക്കും. 4 മുതൽ 8 ആഴ്ചത്തെ കോഴ്‌സാണിത്.

നല്ല ഉറക്കം കിട്ടാൻ ഏറ്റവും പ്രധാനപ്പെട്ട ഒരു കാര്യമാണ് വ്യായാമം. ആർത്തവ വിരാമത്തിന്റെ മറ്റൊരു ലക്ഷണമാണ് ഹൃദയമിടിപ്പിലെ ഏറ്റക്കുറച്ചിലുകൾ. ശരിയായ ഉറക്കം കിട്ടാൻ ഹൃദയമിടിപ്പും നിർണായകമാണ്. ശരിയായ ഉറക്കത്തിനായി വ്യായാമം ചെയ്യേണ്ട സമയത്തെക്കുറിച്ചും ചില ചർച്ചകൾ നടക്കുന്നുണ്ട്. എന്നാൽ വ്യത്യസ്ത സമയങ്ങളിൽ വ്യായാമം ചെയ്യുന്നതിന്റെ വ്യത്യസ്ത ഗുണങ്ങൾ ഗവേഷകർ പരിശോധിച്ച് വരികയാണ്. ഉറങ്ങുന്നതിന് കുറഞ്ഞത് ഒന്നര മണിക്കൂർ മുമ്പെങ്കിലും വ്യായാമം ചെയ്യുന്നത് നല്ലതാണെന്നാണ് ചില വിദഗ്ധരുടെ അഭിപ്രായം. എൻഡോർഫിൻ അളവും ശരീര താപനിലയും കുറയ്ക്കാൻ ഇത് സഹായിക്കും.

ആർത്തവവിരാമം സംഭവിക്കുന്നത് വഴി ഒരു സ്ത്രീക്ക് സ്വാഭാവികമായി ഗർഭിണിയാകാൻ കഴിയാതെ വരും. 45 നും 55 നും ഇടയിൽ പ്രായമുള്ള സ്ത്രീകളിലാണ് സാധാരണ ആർത്തവ വിരാമം സംഭവിക്കുന്നത്. എന്നാൽ 100 സ്ത്രീകളിൽ ഒരാൾക്ക് വീതം 40 വയസ്സിന് മുമ്പ് ആർത്തവവിരാമം അനുഭവപ്പെടാം. രാത്രി കാലങ്ങളിലെ വിയർപ്പ്, ലൈംഗികാസക്തി കുറയുക, യോനിയിലെ വരൾച്ച, മുഖത്തെ രോമങ്ങളുടെ വർദ്ധനവ്, ഉറങ്ങാൻ ബുദ്ധിമുട്ട് അനുഭവപ്പെടുക എന്നിവ പോലുള്ള പല ലക്ഷണങ്ങളും ആർത്തവ വിരാമത്തോട് അനുബന്ധിച്ച് സ്ത്രീകൾക്ക് അനുഭവപ്പെട്ടേക്കാം. ഏത് പ്രായത്തിലും നേരത്തെയുള്ള ആർത്തവവിരാമം സംഭവിക്കാം. മിക്ക കേസുകളിലും ഇതിന് വ്യക്തമായ കാരണമില്ല.