Good News: ഒരു രൂപയ്ക്ക് ലഭിക്കുന്ന സാനിട്ടറി നാപ്കിൻ; വിതരണം ജൻ ഔഷധി കേന്ദ്രങ്ങളിൽ

ആർത്തവ സമയത്ത് സ്ത്രീകൾക്ക് വ്യക്തിപരമായ ശുചിത്വം നിലനിർത്തുകയെന്നത് വലിയ വെല്ലുവിളിയാണ്. പ്രത്യേകിച്ച് ആവശ്യത്തിന് സാനിട്ടറി നാപ്കിനുകൾ വാങ്ങി ശേഖരിക്കാൻ കഴിയാത്ത പാവപ്പെട്ട യുവതികൾക്കും സ്ത്രീകൾക്കും. ആർത്തവസമയത്ത് ശുചിത്വം പാലിക്കാതിരുന്നാൽ ഗുരുതരമായ അണുബാധ ഉൾപ്പടെയുള്ള മറ്റ് ആരോഗ്യ പ്രശ്നങ്ങൾക്ക് അത് കാരണമാകും. ഈ സാഹചര്യം കണക്കിലെടുത്ത് കേന്ദ്രസർക്കാർ ഒരു രൂപയ്ക്ക് സാനിറ്ററി നാപ്കിനുകൾ നൽകുന്നു. പ്രധാൻമന്ത്രി ജൻ ഔഷധി കേന്ദ്രങ്ങളിൽ 'സുധ' എന്ന പേരിലാണ് ഉപയോഗശേഷം നശിപ്പിക്കാവുന്ന (ബയോഡീഗ്രേഡബിൾ) സാനിറ്ററി നാപ്കിനുകൾ വിൽക്കുന്നത്. നിലവിൽ ഒരു സാനിറ്ററി പാഡിന്‍റെ വില രണ്ടര രൂപയാണെങ്കിലും ജൻ ഔഷധി കേന്ദ്രങ്ങൾ വഴി ഒരു രൂപയ്ക്ക് ലഭ്യമാകും.