ഏറ്റവും സന്തോഷവതികൾ ആര്? വിവാഹിതരോ അവിവാഹിതരോ

ലോകത്ത് ഏറ്റവും അധികം സന്തോഷമുള്ള ജനവിഭാഗം ആര്? ഏറെ നാളായി പലരെയും കുഴയ്ക്കുന്ന ചോദ്യമാണിത്. എന്നാൽ ഇതിന് ഉത്തരവുമായി എത്തിയിരിക്കുകയാണ് ഈ രംഗത്തെ വിദഗ്ധർ. അവിവാഹിതരായ സ്ത്രീകളാണ് ഏറ്റവും സന്തോഷവതികളെന്നാണ് പുതിയ കണ്ടെത്തൽ. വിവാഹിതരെ അപേക്ഷിച്ച് അവിവാഹിതരായ സ്ത്രീകൾക്ക് ദീർഘായുസ്സുണ്ടെന്നും വിദഗ്ധർ പറയുന്നു. 'ഒരാളുടെ വിജയത്തെ അളക്കുന്ന മാനദണ്ഡങ്ങൾക്ക് അയാളുടെ സന്തോഷവുമായി ബന്ധമില്ല, പ്രത്യേകിച്ച് വിവാഹവും കുട്ടികളും'- പ്രസിദ്ധമായ ഹേ ഫെസ്റ്റിവലിൽ സംസാരിച്ചുകൊണ്ട് ലണ്ടൻ സ്കൂൾ ഓഫ് ഇക്കണോമിക്സിലെ ബിഹേവിയറൽ സയൻസ് പ്രൊഫസർ പോൾ ഡോളൻ പറഞ്ഞു.